Partia Demokratike ka gjetur strategjinë që të kënaqë aleatët e saj, jo me përfaqësim politik, por me para. Nën koalicionin “Aleanca për Shqipërinë Madhështore” PD ka regjistruar disa prej kandidatëve të saj nën siglën e partive aleate. Kjo bëhet që pas zgjedhjeve të 11 majit, këto parti aleate të kenë mundësi të përfitojnë fonde, edhe pse deputeti që do ulet në Kuvend qartazi as nuk e ka përfaqësuar, dhe as nuk do përfaqësojë më partinë e tyre, por PD-në.
