Byrek me qumësht dhe arra
Përbërësit:
1 pako peta
4 vezë
2 e ½ gota qumësht
300 gr arra
70 gr gjalpë
1 fç vaj ulliri
Kripë
Përgatitja:
Fillimisht thërrmojmë arrat dhe i përziejmë me gjalpin e shkrirë. Në një tas trazojmë vezët me qumështin, shtojmë arrat dhe kripën.
Lyejmë një tavë me vaj dhe shtrojmë 4-5 petë duke e spërkatur secilën me vaj ulliri. Vendosim gjysmën e masës së mbushjes, e nivelojmë mirë, vendosim disa petë spërkatur me yndyrë dhe shtresën e dytë të mbushjes. Vendosim petët e fundit, lyejmë sipërfaqen me yndyrë dhe e vendosim byrekun të piqet në furrë të parangrohur në temperaturën 180 gradë për 40 minuta.