Kreu i PBDNJ, Vangjel Dule në një prononcim për mediat tha se Fredi Beleri nuk kishte një kandidat rival, por të gjithë shtetin kundër tij, prandaj thotë se kjo fitore është mjaft e rëndësishme.

“Dua të përsëris se e ndjej për detyrim që t’ju falënderoj për rolin tuaj që e kërkova që në momentin e parë, ishte pwrcaktues për të vërtetën. Nuk ishte thjesht një fitore, por një triumf për Fredi Belerin. Një padrejtësi ekstreme, më akuzonin se u braktisa në Himarë, ja rezultati, është një mësim i madh, duhet të jemi realist, është një mësim i madh kjo që po ndodh sot në Himarë, se nuk kishim përballë një forcë politike, një kandidat rival, kishte kryeministrin, qeverinë, strukturat shtetërore, gjithsesi fjala e fundit u takon qytetarëve. Fredi Beleri do jetë një shembull për bashkitë në vend, dhe kjo bashki do kthehet në një Bashki model”, tha Dule.