Ëmbëlsirë me peta, mollë dhe krem Përbërësit: 1 pako peta bakllavaje 75 gr gjalp 100 ml vaj Mbushja: 2 mollë 100 gr rrush i thatë 1 lugë çaji kanellë Kremi 250 ml qumësht 1/2 gotë sheqer 1 pako vanilje 2 vezë 200 ml pana 1 lugë çaji niseshte 1 lugë çaji pluhur pjekës Përgatitja: Fillimisht vendosim rrushin e thatë në ujë ose konjak. Qërojmë mollët dhe i presim ato në copëza të vogla. Kullojmë mirë rrushin e thatë dhe i bashkojmë me mollët e copëtuara në një tas, shtojmë dhe kanellën dhe i përziejmë mirë. Lyejmë një tepsi me pak yndyrë, fiksojmë në të një letër pjekje. Shtojmë gjalpin dhe e bashkojmë me vajin. Hapim një petë, e spërkasim me yndyrë, vendosim në të një petë tjetër, vendosim mbi të një petë tjetër dhe e spërkasim me yndyrë. Mbi petë shtojmë mollët e përziera me rrush të thatë. (Nëse dëshironi, mund të shtoni arra ose lajthi të grira.) Më pas i rrudhim petat si rrudhat e një firzamonike, jo të palosura dhe e vendosim në tepsi. Kështu vazhdojmë derisa tepsia të mbushet.
