Si u shkatërruan elitat intelektuale brez pas brezi në komunizëm përmes mohimit të arsimit, për të gjithë familjet e cilësuara kundërshtarë të komunizmit? Si e projektoi dhe zbatoi diktatori Enver Hoxha, luftën klasore që në shkollat fillore dhe e përdori arsimin si mjet për të arritur genocidin social e kulturor në mbi 30 përqind të shoqërisë shqiptare që i konsideronte armiq? Vetëm në vitin 1987 në listat e Sigurimit të shtetit ishin 67 mijë vetë të cilët cilësoheshin armiq të regjimit dhe për ta shkollimi nuk lejohej. Si i gjeti demokracia breza të tërë të këtyre familjeve dhe pse, për të gjithë ata, arsimi mbeti një ëndërr në sirtar, për gjysëm shekulli?