Fileto pule caprese në verë të bardhë

Përbërësit:

500 gr fileto pule

Kripë dhe piper të zi

Pak miell

1 qepë e vogël

1 thelpi hudhër

1 lugë gjelle majdanoz I grirë

Borzilok

10 ullinj të zi

1/2 gotë verë të bardhë

3 lugë gjelle pure domate

2-3 domate mesatare

200 gr mozzarella

Pak vaj ulliri

Përgatitja:

Presim fileton në feta të holla, I marinojmë me kripë dhe piper të zi dhe I pudrosim shumë lehtë me pak fare miell. Në një tigan me pak vaj ulliri skuqim filetot nga të dyja anët.

Shtojmë në të një qepë të vogël të grirë hollë, I lugë gjelle majdanoz I grirë imët dhe hudhër po ashtu imët, pak borzilok dhe 10 kokrra ullinj të zi I kaurdisim sa qepa të zbutet dhe I shuajmë me verë të bardhë. Pasi alkooli I verës të avullojë shtojmë pak pure domate.Vendosim mbi filetot nga 1 ose 2 feta të holla domate, borzilok të copëtuar dhe mbulojmë ato me djath mozzarella. Vendosim kapakun dhe e lëmë deri sa djathi të shkrijë dhe të mbulojë sipërfaqen e mishit. Mund ta shërbejmë dhe me patate furre.