Pastiçe me spinaq dhe kos
Përbërësit:
- 1 pako makarona
- 6 lgj kos
- 6 vezë
- 1 tufë spinaq
- 5 lgj vaj
- Kripë
- Djathë sipas dëshirës
Për beshamelin:
- 700 ml qumësht
- 2 lgj gjalpë
- 2 lgj miell
- 2 vezë
- Djathë i grirë kaçkavall
- Kripë, arrë moskat
Përgatitja:
Fillimisht vendosim makaronat të ziejnë në ujë të bollshëm me kripë. Më pas i kullojmë makaronat dhe i bashkojmë në një enë me kosin, vajin, vezët dhe spinaqin e grirë. Sipas dëshirës shtojmë dhe pak djathë të bardhë të thërrmuar dhe e vendosim masën e pastiçes në tavë të lyer me gjalpë.
Përgatisim beshamelin duke kaurdisur miellin me gjalpë. Pasi mielli ndryshon ngjyrë shtojmë qumështin dhe e përziejmë që mos të ngjitet. Rregullojmë shijen me kripë dhe arrë moskat dhe në fund shtojmë vezët dhe djathin e grirë kaçkavall. E shtojmë beshamelin mbi pastiçe dhe e vendosim tavën në furrë në temperaturën 200 gradë Celsius për 40 minuta.
