Qofte me birrë nga zonja Vjollca

10 Prill, 10:50 | Përditesimi i fundit: 2020-04-14 12:20:54

ofte me birrë

Përgatitja:

500 gr mish i grirë

1 patate e zierë

3 lugë gjelle parmixhan i grirë

1 vezë

2 lugë gjelle majdanoz i grirë

Kripë dhe piper i zi

1 lugë gjelle bukë e thekur e grirë

Salca

Miell

1 shishe birrë bjonde

3 qepë të njoma

Përgatitja: 

Fillimisht ziejmë një patate për 25-30 minuta. Pasi të ziejë e qërojmë dhe e shtypim e bëjmë pure. Në një tas vendosim purenë, parmixhanin e grirë, mishin e grirë, vezët, majdanozin, 1 lugë gjelle bukë të thekur të grirë kripë dhe piper të zi. E përziejmë mirë me dorë duke e punuar derisa brumi I qofteve të shkëputet nga ena (mos të ngjisi).

Mbulojmë tasin me celofon dhe e lëmë të pushojë në frigorifer për 30 minuta.

Pasi të kalojë kjo kohë formojmë qofte mesatare si toptha.

Në një tigan ngrohim vajin dhe pudrosim qoftet me miell lehtë dhe I skuqim në temperaturë mesatare. Pasi të kalojë 3 minuta shtojmë në tigan qepët e njoma të grira të prera në unaza, vazhdojmë skuqjen e qofteve me qepët derisa të zverdhen lehtë. Më pas I shuajmë me birrë, I lëmë të marrin një valë, duke lënë në zjarr, derisa të na formohet një salcë jo shumë e trashë nga mielli që kemi pudrosur qoftet.

Rregullojmë shijen e salcës me kripë dhe piper të zi e arrëmoskat. E lëmë të ziejë në temperaturë shumë të ulët për 7 minuta dhe më pas e servirim.

Programe të tjera

Shiko të gjitha

    Nuk u gjeten video për këtë program!

Shiko të gjitha