Qofte orizi me gjethe rrushi

Përbërësit:

• 2 fl çaj oriz
• 1 fl kafe misër
• 100 gr proshutë FIX
• 2 lgj bimë aromatike
• 3 gjethe rrushi
• 1 lgj uthull e bardhë
• 1 majë luge sheqer
• Kripë
• Vaj për skuqje

Salcë e bardhë shoqëruese:

• 3 lgj majonezë
• 1 fl çaj kos
• 1 kastravec
• 1 lç uthull
• 1 tufë koper

Përgatitja:

Fillimisht ziejmë orizin me pak sheqer, kripë dhe uthull. Më pas e bashkojmë në një tas me proshutën e prerë në kubikë, misrin e zier, bimët aromatike dhe gjethet e rrushit që i kemi vluar pak dhe i kemi prerë imët. I mbështjellim si toptha dhe i skuqim qoftet në vaj vegjetal të bollshëm.

Ndërkohë realizojmë salcën shoqëruese duke bashkuar majonezën me kosin, kastravecin e grirë në rende, uthullën, vajin e ullirit dhe koprën.