Nga Konferenca e Sigurisë në Mynih, kryeministri Edi Rama, gjatë fjalës së tij për zgjerimin e Bashkimit Europian, dërgoi një mesazh të fortë për Brukselin, duke theksuar se Europa ka nevojë për Ballkanin Perëndimor më shumë sesa ky i fundit ka nevojë për BE-në.
Ai kritikoi burokracinë europiane, duke e përshkruar BE-në si një mekanizëm që funksionon me precizionin e një “ore zvicerane”, ku prodhohen rregullore pa pushim, por mungon vendimmarrja e shpejtë dhe strategjike për zgjerimin.
