Pasi kryeministri Edi Rama u largua nga seanca, deputeti i PD, Gazment Bardhi tha se gjatë fjalës së tij për 45 minuta nuk dha asnjë përgjigjie. Ai tha se nuk u shpjegua përse Rama kishte pasur një marrëdhënie kaq të ngushtë me ish zyrtarin e FBI-së, McGonigal me të cilin pranoi se kishte darkuar plot 14 herë.

Deputeti tha se Rama ishte sjellë si i pandehur duke heshtur për akuzat ndaj tij, duke shtuar se kryeministri është përfshirë në një prej aferave më të rënda në 30 vitet e fundit.