Receta e ditës - Byrek me mish, qepë dhe domate + supë me qiqra dhe perime / Pjesa e parë

12 Korrik 2018, 09:59

Receta e parë : Byrek me mish dhe qepë

Përbërësit :

1 pako peta

3 qepë të mëdha

500 gr mish i grirë

3 domatë (rreth 400 gr)

2 thelpinj hudhër

2 lugë gjelle oriz

1 lugë gjelle nenexhik i thatë

Vaj ulliri

Kripë dhe piper i zi

Përgatitja

Fillimisht qërojmë dhe presim qepën në kubikë dhe e kaurdisim atë me pak kripë deri sa qepa të mos ketë lagështirë. Shtojmë gjysëm luge gjelle vaj dhe e kaurdisim përsëri deri sa qepa të zverdhet. Shtojmë mishin , e kaurdisim së bashku me qepën deri sa mishi të marrë ngjyrë. Shtojmë domatet , orizin, piperin e zi, nenexhikun si dhe pak ujë dhe i lëmë deri sa të ziejë orizi.

Nëse duam që petët të mbeten të buta, rrahim një kokërr vezë me kripë dhe 2 filxhan kafeje vaj duke shtuar një gotë qumësht.

Lyejmë tepsinë me vaj dhe  vendosim petët duke i spërkatur ato në çdo dy petë.

Mbushjen mund ta vendosim në një shtresë të vetme në mes, por mund edhe ta shpërndajmë në çdo 4 petë nga pak, sipas preferencës tuaj.

Në fund kthejmë anët, i spërkatim mirë dhe i vendosim në furrë në temperaturën 200 gradë për 25 – 30 minuta.

E lëmë të ftohet dhe e servirim të shoqëruar me një supë, kos ose dhallë.