Receta e dytë : Sallatë me fasule
200 gr fasule të bardha
200 gr fasule të kuqe
1 spec i verdhë
1 spec i kuq
1 spec jeshil
2 lgj majdanoz
2 lgj kopër
1 grusht nenexhik i freskët
50 gr arra
3 lgj uthull
2 lgj lëng limoni
4 lgj vaj ulliri
Kastraveca turshi (sipas dëshirës)
Përgatitja:
Specat i presim në kubikë të vegjël me brinjë 1 cm dhe kastravecat po ashtu. Kullojmë mirë fasulet, ndërsa majdanozin dhe koprën e grijmë hollë.
Arrat i copëtojmë në copëza të dukshme dhe të gjithë këta përbërës i trazojmë në një tas të vetëm.
Në një tjetër tas përgatisim dresingun me uthull, lëng limoni, vaj, 2 lugë gjelle lëng kastravecash, kripë dhe piper të zi. I trazojmë dhe marinojmë përbërësit që kemi në tasin me fasule.
Në një pjatë vendosim një bazë me gjethe sallate dhe më pas shtojmë sallatën me fasule. Në fund spërkatim me pak arra.