Sot asnjë zarf zgjedhor me votat nga diaspora nuk ka mbërritur në KQZ.

Kompania postare DHL ka pretenduar se “Zarfet e mbledhur dje janë pak sa nuk ja vlente të fluturonin, dhe do të sillen nesër në mëngjes, bashkë me ato që do të mblidhen sot”. 

144 783 vota kanë mbërritur deri më tani në KQZ (58% e totalit të regjistruarve). Sipas të dhënave, 24 mijë ende nuk e kanë marrë pakon zgjedhore, ndërkohë që pas 8 Majit, siç edhe njoftoi pak ditë më parë kryekomisioneri Ilirjan Celibashi, çdo zarf i pashpërndarë do të kthehet në Shqipëri.