Tavë me presh dhe oriz
Përbërësit:
- 5 presh
- 1 qepë
- 1 spec i kuq
- 1 spec jeshil
- 2 lgj salcë speci
- 1 fl kafe oriz
- 2 domate
- 3 fç ujë
- Kripë, piper
Përgatitja:
Presim bishtat e preshit, i pastrojmë dhe i presim pjerrtazi. E kaurdisim preshin mirë dhe më pas e largojmë nga tigani. Në po atë yndyrë kaurdisim qepën e grirë imët. Sapo qepa të bëhet transparente shtojmë specat e prerë në kubikë dhe orizin. Vazhdojmë kaurdisjen për pak minuta duke shtuar salcën dhe domatet e grira në rende. Rregullojmë shijen me kripë dhe piper dhe e kalojmë gatimin në një tavë ku kemi vendosur preshin. Shtojmë pak ujë të ngrohtë dhe e vendosim tavën në furrë në temperaturën 200 gradë për pak minuta.
