Tavë pranverore me patëllxhanë
Përbërësit:
- 2 patëllxhanë
- 1 spec i kuq
- 1 spec jeshil
- 2 qepë
- 4 domate
- 4 lgj vaj ulliri
- 2 thelpinj hudhër
- Djathë i butë
- Kripë, piper
Përgatitja:
Pasi kemi hequr lëkurën e patëllxhanëve një po-një jo, i presim në kubikë dhe i vendosim në furrë të marinuar me erëza.
Qepën e grirë e kaurdisim në vaj ulliri duke shtuar pak kripë për të ndihmuar zbutjen. Presim hudhrën në fetëza dhe specat në kubikë dhe i kaurdisim për pak minuta së bashku me qepë. Më pas shtojmë salcën dhe domatet e prera në kubikë.
Bashkojmë dhe patëllxhanët në gatim, rregullojmë shijen me kripë dhe piper. Në fund shtojmë djathë të butë të grirë, vendosim kapakun dhe e lëmë për 5 minuta.
