Festat e fundvitit e gjejnë emisionin Veri Jug në Korçë, në qytetin e serenatave. Aty ku krishtlindjet e bardha dhe festa e vitit të ri, kanë disa javë që kanë filluar. Atmosferë e bukur në qendër të qytetit, treni paronamik që ngarkohet me nxënësit ekselentë, mbërritja e tyre në qytezën e fëmijëve dhe dhuratat që ndan babagjyshi nën tingujt e këngëve për krishtlindjet. Më pas takim me zëvendës kryetaren e Bashkisë Benila Themeli për të mësuar gjeografinë e programit të festave në qytet dhe në fshatrat turistikë. Kulmin e tij emisioni Veri Jug e mbërrin në takimin me tre serenatistë që e ndezin mbrëmjen me këngët e tyre magjike përmes kitarave, si në Korçë, askund tjetër. Pazari I Vjetër I Korçës, vendi ku mijra korçarë festojnë të gëzuar festat e fundvitit dhe ku grupi I serenatave të mjeshtrit Vaskë Niço I japin mundësi qytetarëve korçarë të festojnë në një mënyrë krejt të veçantë dhe origjinale. “Nga Korça, gëzuar festat e fundvitit” - ky është titulli I reportazhit që transmetohet për ju të premten, ora 19.30, me moderatorin e emisioneve Veri Jug, gazetarin Agim Pipa.