Një udhëtim aventurë drejt veriut të Shqipërisë, në zemër të Mirditës, me destinacion fshatin Tene. Një fshat i vogël malor, ku agronomi dhe pedagogu i agronomisë, Preng Doda, ka rindërtuar mbi kullën 270-vjeçare të të parëve të tij një bujtinë, duke zhvilluar agroturizmin. Në fshatin Tene, përveç bujtinës, ndodhet një sferë gjigante guri, e rënë nga kodra e mbretëreshës Teuta 800 vjet para lindjes së Krishtit, si dhe një mulli i vogël me ujë për bluarjen e grurit dhe misrit.