Finok në tavë me proshutë
Përbërësit:
- 500 gr finok
- 80 gr bukë e grirë
- 60 gr parmixhano i grirë në rende
- 120 gr proshutë e tymosur
- Kripë, Piper i zi
- Gjalpë i freskët
Përgatitja:
Lajmë mirë finokun dhe e presim në katërsh. Në një enë përziejmë djathin parmixhano me thërrimet e bukës dhe e rregullojmë me pak kripë dhe piper të zi të bluar në çast. Vendosim fetat e finokut në përzierjen e bukës dhe djathit dhe më pas i vendosim në një tavë të lyer më parë me gjalpë. Shtojmë proshutën e tymosur të prerë në shirita, kripën dhe piperin. Në fund shtojmë disa kubikë gjalpë dhe e vendosim tavën të piqet në furrë të nxehtë në 200°C për 20-25 minuta.
