Tërmeti tragjik i 26 nëntorit la gjurmë të hidhura në të gjithë vendin, por fill pas tij, njerëzit i janë kthyer sërish punës dhe ligjeve të tjera të jetës. Ndiqni nga afër reportazhin e realizuar në njësinë administrative të Vaqarrit, Bashkia e Tiranës, ku tërmeti preku mbi 300 shtëpi dhe objekte, 50 prej të cilave u klasifikuan të pabanueshme. Ndalesë në fshatin Lalm, aty ku nuk ka asnjë të larguar nga fshati dhe qëndrim në banesën e familjes Seferaj. Pas tërmetit, të zotët e shtëpisë përpiqen ta lenë pas ngjarjen e hidhur dhe i janë rikthyer sërish punës. Zotëria me punë në Tiranë ndërsa zonja e tij, Xhevrija, kopshtare dhe blegtore shumë e mirë e familjes. Sipas saj, jeta vazhdon dhe kërkon sërish të njejtin përkushtim si më parë. Emisionin "Veri Jug" me moderator Agim Pipën mund ta ndiqni çdo të dielë në orën 14:30 në ekranin e Report Tv