-
VIDEO
Komenti i Ramës për të djathtët fanatikë të Shkodrës: Ju ndriçoftë Zoti rrugën se do çoheni në mëngjes e të votoni Like Floririn
Në përfundim të takimit me gratë në Shkodër, Rama nuk e kurseu komentin për të djathtët fanatikë.
“Një gjë më duket çudi e madhe për këta të djathtët e paeupur fanatikë të Shkodrës që do cohën në mëngjes të shkojnë për të votuar e luftuar komunizmin e do votojnë Like Floririn. Mirë që votuan vite e vite një që ka qenë komunist më shumë se ne të tjerët. Atë hajt mo, po Like Floririn? Vallaj zoti ju ruajtë e ju ndriçoftë rrugën të gjithë fanatikëve të djathtë”, tha Rama.
-
VIDEO
Rama: Beneti ka frikë të identifikohet me ngjyrën tonë se s’do t’i prishë qejfin Berishës! I thotë ‘pusho’ qytetares që bërtet ‘non grata’
Kryetari i PS, Edi Rama ishte në një takim me gratë në Shkodër kur komentoi faktin që Benet Beci nuk identifikohet me ngjyrën mavi sepse sipas tij s’do t’i prishë qejfin Berishës. Kur një qytetare ndërhyri duke bërtitur ‘non grata’, Rama zgjodhi që të vazhdonte fjalimin për të mos i dhënë më rëndësi opozitës.
Rama: Beneti kaq frikë ka të identifikohet me ngjyrën tonë sa në poster nuk ka asnjë lidhje me ngjyrën tonë. I kam thënë o Benet mos ki frikë, por Beneti e ka merak mos t’i prishë qejfin atyre të tjerëve, sidomos atij zotnisë që i thotë në emër, zoti Berisha. Unë as emrin nuk ia zë.
Qytetarja: Non grata.
Rama: Jo pusho. Beneti e ka nisur si i përzgjedhur i PD dhe është ndër të paktët që i është dhënë mundësia të tregojnë veten. Ata nuk i zgjedhin njerëzit në bazë të aftësisë për punë, por për të lehur.
-
VIDEO
Benet Beci: Do ia jap fjalën kryetarit se flet më mirë me gratë! Rama: Mos ia vini re, s’është mësuar
Gjatë takimit me gratë në Shkodër, kandidati për kryetar bashkie Benet Beci zgjodhi që t’ia kalonte mikrofonin kryeministrit pasi sipas tij flet më mirë me gratë.
Beci: Do ia jap fjalën kryetarit se ai flet më mirë me gratë se sa unë.
Rama: Mos ia vini re Benetit se nuk është shumë i fjalës, nuk është mësuar me fjalime dhe sot ka folur jashtëzakonisht shumë. Madje më tha kur po vinim, aman a po flet për mua se u bë shumë që po flas.
-
VIDEO
Takimi në Katund të Ri, Gjiknuri: Më 14 maj konsolidojmë partneritetin qeveri-bashki për më shumë investime! Llatja: Kemi taksat më të ulëta
“Në 14 Maj alternativat që u ofrohen qytetarëve të Elbasanit janë nga njëra anë ekipi i PS dhe kryeministri Rama dhe në anën tjetër një individ që nuk ofron garanci”. Këtë ka theksuar Sekretari i Përgjithshëm i PS Damian Gjiknuri gjatë një takimi me banorë të Katundit të Ri në Elbasan teksa shtoi se kjo mazhofancë dhe kryebashkiaku Gledian Llatja synojnë zhvillimin e Elbasanit. Ai tha se shqetësimi i vetëm i palës tjetër është e ardhmja e Berishës
. “Gledi në këtë garë nuk është vetëm. Pse s’është vetëm? Gledi në këtë garë ka Partinë Socialiste, qeverinë shqiptare. Kundërshtari do ta paraqesë këtë garë kur vjen në Elbasan sikur është gara mes dy individëve. A thua se po bëhet gara për kryetarin e fshatit apo dy njerëz që i vë në ring aty kush bokson më mirë. Jo! Kjo është garë për qeverisjen e Elbasanit, për administrimin e bashkisë së Elbasanit dhe për të përmbushur angazhimet që kanë dhe që presin qytetarët e Elbasanit. Kjo gjë nuk bëhet vetëm. Kushdo të jetë kryetar bashkie në Elbasan me taksat e qytetarëve të Elbasanit nuk i adreson dot të gjithë nevojat. Kjo është e vërteta. Duhet patjetër të ketë një partner të fortë. Dhe partneri i fortë është mazhoranca, është qeveria e Partisë Socialiste”, tha Gjiknuri.
-
VIDEO
Rama takim në Shkodër: Kemi projekte shumë të mira po s’na jep leje Bashkia! Benetin e gjeta nga Berisha, por ata s’dinë ta vlerësojnë
Kryeministri Edi Rama ka zhvilluar sot fushatën në Shkodër ku është ndalur tek projektet e vizioni i Partisë Socialiste. Rama thotë se shumë punë të mira kanë ngelur pa bërë në Shkodër për shkak se Bashkia nuk jep lejen.
Edi Rama ka deklaruar në Shkodër, në një takim elektoral, se Benet Becin e gjeti aty nga koha e Berishës, i emëruar nga ai, por që nuk e vlerësuan siç duhet. Në takimin electoral në Shkodër, ku kishte më shumë njerëz siç ishte parashikuar, Rama tha se ujësjellësat nuk ndërtohen sepse nuk jep leje bashkia Shkodër.
-
VIDEO
Veliaj: Kavaja ecën përpara falë bashkëpunimit qeveri-bashki! Kurrë më mbrapa te komunisti Sali dhe fuksi Ilir
Drejtuesi politik i PS për qarkun e Tiranës, Erion Veliaj vijoi sot turin e gjelbër drejt 14 majit në Kavajë, ku mbolli disa pemë me banorët, e u shpreh se ata e kanë zgjedhur që duan të ecin përpara me punë dhe projekte për qytetin. Ai tha se qytetarët e Kavajës nuk janë më ‘mish për top’, siç i ka trajtuar ndër vite Sali Berisha.
-
VIDEO
Bejko në njësinë 9: Misioni i Berishës ka mbaruar! ‘Oligarkia politike’ kërkonte shkatërrimin e PD
Kandidati i Partisë Demokratike për Bashkinë e Tiranës Roland Bejko, nga njësia 9 në kryeqytet ku u ndal për takimin e radhës elektoral, akuzoi se oligarkia politike e drejtuar nga Rama-Meta-Berisha kërkojnë shkatërrimin e PD.
U ndal vecanërisht te ish kryeministri Berisha për të cilin thotë se misioni i tij ka mbaruar. Ironizoi edhe atë që Berisha disa muaj më parë e quante revolucion për largimin e Ramës.
-
VIDEO
Rama: E kemi gati projektin për ujësjellës, nuk na jep lejen Bashkia! Ata e duan ujin blu se e kanë etjen blu, mesjetë e thellë
Kryeministri Edi Rama ishte në takim me banorët në Shirokë ku tha se e kanë gati projektin e ujësjellësit për Shirokën dhe Zogajn, por i pengon Bashkia që nuk i jep lejen.
-
VIDEO
Ramës i ndërpret fjalën socialisti i veshur me blu: Thashë se tha ‘rroftë zorra qorre’
Teksa mbante fjalën në Shirokë, kryeministri Edi Rama u ndërpre nga një banor që ishte veshur me kanatiere blu dhe bërtiste “Poshtë zorra qorre” duke iu referuar Berishës dhe Metës. Duke qenë se kishte ngjyrat e demokratëve, Rama mendoi se ishte krah opozitës.
“Qeka në rregull, se e pashë me kanatiere blu e thashë se thotë rroftë zorra qorre. Edhe mund ta thonë se cfarë nuk ndodh” , tha Rama
-
VIDEO
Salianji në prezantimin e programit të kandidatit të Kavajës: Rama u braktis, bashkia do t'i kthehet demokratëve
Deputeti i Partisë Demokratike Ervin Salianji së bashku me kandidatin e koalicionit Berisha-Meta për Bashkinë Kavajë Fisnik Qosja, prezantuan programin për këtë bashki.
Në fjalën e tij për banorët e Kavajës, deputeti demokrat Ervin Salianji tha se kjo bashki do t'u kthehet demokratëve. Salianji komentoi edhe vizitën e Ramës disa ditë më parë në Kavajë, duke thënë se u braktis nga qytetarët.
Ai tha se në fokus të planeve për zhvillimin e zonës janë shumë nevoja të domosdoshme dhe të mohuara prej kohësh për komunitetin, duke nisur nga infrastruktura dhe stimulimi i bujqësisë dhe blegtorisë, ndërhyrja në zonat rurale dhe në sistemet e kanalizimit.
"Ka qenë e jashtëzakonshme pjesëmarrja në çdo cep të Kavajës që kanë mbështetur masivisht Fisnik Qosen. Secili prej jush ka shprehur shqetësimin e drejtpërdrejtë, që janë përkthyer në programin e tij. Edhe ju si gjithë Shqipëria e ka marrë vesh që Kavaja do t’i kthehet demokratëve dhe kushdo që do të luajë me fatin e qytetarëve do të marrë përgjigjen e merituar në çdo moment. Ju dhe ne bashkë krenohemi me kandidatin e opozitës së bashkuar, të gjithë janë të bashkuar për kandidaturën e tij që të largojmë një sekt që nuk përfaqëson as socialistët e ndershëm", tha Salianji.
"Ne vijmë dhe ju paraqesim program, i keni parë kundërshtarët tanë se çfarë paraqesin këtu apo jo? Erdhi ai i gjati këtu në Kavajë dhe nuk kishte as çerekun e këtyre njerëzve pavarësisht presioneve, e braktisi edhe administrata. Kavaja ka bërë t’i dridhen këmbët regjimit të Enverit, Kavaja do të bëjë t’I dridhen këmbët Edi Ramës" tha deputeti Salianji.
-
VIDEO
Vendoret e 14 majit/ Ndreu në Lezhë: Mandatin e ardhshëm, projekti që nuk do lejojë përmbytjen! Spahia: Shkodra është lënë në harresë nga qeveria
Teksa hyjmë në dy javët e fundit të fushatës elektorale në kuadër të zgjedhjeve vendore të 14 majit, kandidatët për kryebashkiakë kanë vijuar me takimet e tyre me banorët e qyteteve dhe zonave të ndryshme duke shpalosur programet e tyre.
Retorika politike deri më tani shihet e përqendruar mes liderve të mazhorancës dhe opozitës të cilët në takimet që bëjnë me qytetarët kanë ashpërsuar akuzat ndaj njëri-tjetrit.
-
VIDEO
Rama takim me biznesmenët në Malësinë e Madhe: Investimet këtu, sjellin të ardhura që nuk sigurohen dot kurrë në emigracion
Kryeministri, Edi Rama ka zhvilluar një takim me biznesmenë në Malësinë e Madhe të cilëve u ka bërë thirrje që të investojnë në vendin e tyre sepse qeveria do t’i mbështesë në mënyrë që të rriten fitimet, duke u përqendruar më së shumti tek turizmi.
Duke theksuar nevojën e këmbënguljes dhe guximit, Rama tha se kushdo që ka një projekt dhe ide për ta zbatuar, do të ketë mbështetjen e qeverisë. Kreu i qeverisë tha se zonës nuk i mungonte asgjë krahasuar me Zvicrën dhe se kishte shumë projekte të tjera që do ta kthenin Malësinë e Madhe në një destinacion turistik të jashtëzakonshëm ku turistët të jenë të shumtë çdo sezon për të bërë ski në alpe.