• VIDEO

    Gjiknuri dhe Llatja bashkëbisedim me banorët e lagjes ‘Kongresi i Elbasanit’: Opozita ofron premtime boshe, s’mund ta ndalë zhvillimin

    Sekretar i Përgjithshëm i PS, Damian Gjiknuri bashkë me kryebashkiakun Gledian Llatja zhvilluan një takim me banorë të lagjes “Kongresi i Elbasanit”,  prej nga theksuan rëndësinë e bashkëpunimit qeveri-bashki. Gjiknuri nënvizoi se opozita po ofron një fushatë të ngritur në premtime boshe dhe ide të pamundura për t’u realizuar.

    “Një kryetar bashkie, sado ide të ketë, po nuk pati lidhjen Parti Socialiste, qeveri e Partisë Socialiste dhe bashki e Elbasanit, të gjitha fjalët “i merr era”. Kundërshtari normal që mund të premtojë shumë. Gjëja e parë që ka mashtruesi përgjithësisht është paraqitje e bukur, fjalim i bukur.  Luçiano Boçi ju e njihni shumë mirë kush është ka qenë Kryetar i Partisë Demokratike në këtë qytet. Ka qenë pushtetari numër një që bënte politikat e kuadrit, punësimet dhe të gjitha ato në thonjëza vepra të Sali Berishës dhe Ilir Metës kur ishin në qeveri atëherë dhe që fati e solli të jenë prapë në “martesën e re”sot.

  • VIDEO

    Idrizi nga Fieri: Kemi bërë betejë për ‘Çamërinë’, sot janë hequr stereotipet

    Kreu i PDIU, Shpëtim Idrizi foli me qytetarët në Fier, ku tha se kanë bërë betejë të madhe për ‘Çamërinë’ dhe është krenar që sot janë hequr stereotipet.

    “Kemi bërë betejën bashkë me uljet e ngritjet tona. Çështja e Çamërisë nuk është dhe nuk duhet të ishte vetëm e shoqatës Çamëria dhe e PDIU. Ne jemi të vendosur që e çështjen e shqiptarëve të Çamërisë të shtyjmë ata që e kanë në dorë të ulen si të barabartë. Sot jam i lumtur që shoh se i kemi hequr stereotipet. Sot të jesh çam është krenari për çdo të ri. E ndjej në të gjithë Shqipërinë”, tha Idrizi.

    •  
  • VIDEO

    Rama: Nuk kërcënoj se qeveria nuk do të bashkëpunojë me kandidatët e ‘non grata-s'! Nuk e bëjmë dot se e kanë mendjen te sherri, jo projektet

    Kryeministri Edi Rama i është përgjigjur të gjithë kandidatëve të opozitës që thonë se janë kërcënuar demokratët që të mos e çojnë votën te rivalët e PS. Rama tha se ata janë vetëm për konflikt e luftë, jo për projekte që i shërbejnë me kandidatët.

    • VIDEO

      Veliaj me të rinjtë: Është momenti të bëhemi bashkë për të çuar Tiranën përpara

      Kryetari i Bashkisë së Tiranës, Erion Veliaj së bashku me ministren e Rinisë, Bora Muzhaqi, me anëtarë të Këshillit Bashkiak dhe përfaqësues të Bashkisë, ishin prezentë në një organizim rinor, ku të rinjtë ishin ndarë në panele të ndryshme sipas profileve ku ato studiojnë. Kryebashkiaku Veliaj tha se Bashkia e Tiranës i ka mbështetur të rinjtë në të gjitha kërkesat dhe idetë e tyre.

      “Kur një grup studentësh na tha se kemi nevojë që aboneja e studentëve të jetë falas, sepse çmimet janë rritur, kushtet janë më sfiduese për atë që është student, be iu përgjigjëm pozitivisht kësaj nevojë dhe aboneja e studentit në Bashkinë e Tiranës është falas. Pastaj, një grup tjetër studentësh kërkoi ndihme për konviktet dhe ne iu përgjigjëm pozitivisht në Këshillin Bashkiak, duke paguar 50% të kostos se konvikteve. Një grup tjetër studentësh dhe gjimnazistësh thanë se nuk ka sens që të mbyllen palestrat pas mësimit dhe ne i lamë të hapura për komunitetin. Po ashtu, do ju japim hapësirën më të madhe të Republikës së Shqipërisë, që është Piramida e Tiranës, për ta kthyer në qendrën më të madhe të punëve të së ardhmes, të kodimit”, tha Veliaj.

    • VIDEO

      Gjiknuri dhe Llatja takime me banorë të Elbasanit: Shumë shpejt në hartën ndërkombëtare të turizmit! Kundërshtari ka vetëm mashtrime

      “Elbasani do të hyjë në hartën ndërkombëtare të turizmit dhe këtë do ta mundësojë një investim gjigand siç është ai i Automotoparkut”. Kështu u shpreh Sekretari i Përgjithshëm i Partisë Socialiste Damian Gjiknuri gjatë një takimi me banorë të Elbasanit ku shtoi se ky investim i Qeverisë Shqiptare nuk synon garat me makina, por zhvillimin ekonomik të Elbasanit dhe promovimin e tij.

      “Të ndërtosh një vepër si Automotoparku nuk është thjesht garë me makina. Aty do ketë evente të ndryshme dhe do të bëjë që Elbasani të ketë një markë dhe të vijnë ta vizitojnë shumë e shumë njerëz. Do të thotë që qyteti do të ketë një zhvillim ekonomik. Natyrshëm që Elbasanin do ta fusë në hartën ndërkombëtare të turizmit sepse do të zhvillohen shumë më shumë evente ndërkombëtare dhe qytetit vërtet i jepet një markë. Kjo do të bëhet e mundur falë mbështetjes dhe financimit nga qeveria shqiptare”, tha ai.

      Drejtuesi politik i PS për qarkun tha se gara për kryetarin e bashkisë nuk ka se si të jetë një një garë personale. Ai nënvizoi se Gledian Llatja ka gjithë mbështetjen e PS dhe të kryeministrit Rama për të çuar përpara projektet, ndërsa kandidati përballë përfaqëson vetëm Saliun dhe Ilirin. “Përballë kemi një kundërshtar i cili në fund të fundit ka atë dyshen që ai s’do ta pranojë, kjo është e vërteta. Pavarësisht se kur vjen Luçi këtu, ai thotë që: -“Unë jam këtu si ju”. Por politikisht përfaqëson ata dy njerëz, Saliun me Ilirin. Kjo është e vërteta. Këtu kam dëgjuar që thotë e kam garë personale. Nuk ka garë personale, garat janë politike. Thuaje dhe mos u mundo të fshihesh.Kundërshtari deri tani ka thënë fjalë në erë, mashtrime të mëdha publike si ato fantazitë do bëj një disneyland në Elbasan apo do bëj një studio filmi në Elbasan. Gjëra të tilla të them të drejtën të ofendojnë inteligjencën. Nga ana tjetër Gledi nuk është vetëm, ka një ekip politik dhe ato angazhime që i merr ka dhe një qeveri që e mbështet nga mbrapa dhe që në fund të fundit kërkon llogari”, shtoi Gjiknuri.

      Numri dy i socialistëve u shpreh se e ardhmja e Elbasanit është e sigurt me vizionin e Gledian Llatjes dhe mbështetjen e qeverisë.

      “Vota në 14 maj është dhe një mesazh për politikat tona të qeverisjes. Ky qytet e ka këtë të ardhme dhe jam i bindur që me këto projekte që u thanë këtu ka një perspektivë për të gjithë të rinjtë dhe të rejat e Elbasanit. Patjetër na duhet vota në 14 maj për ta dhënë si mesazh pro politikave zhvillimore të qeverisë. Le të japim një mesazh në 14 maj që nuk janë vetëm zgjedhje vendore, por t’i tregojmë edhe qeverisë së Edi Ramës, unë do ta bëj si numri dy i PS këtë punë, që kur vlerëson njerëzit, edhe shtresat më pak të privilegjuara, është një bonus për Partinë Socialiste dhe është një inkurajim për qeverisjen tonë për të bërë më shumë për këta njerëz” nënvizoi Gjiknuri.

      Kryetari i Bashkisë Gledian Llatja vuri në dukje se shëtitorja buzë Shkumbinit do të jetë hapësira më e madhe e gjelbëruar e Elbasanit me ambiente çlodhëse për çdo moshë.

      “Një park i madh është "Parku Rinia", tjetrin po e bëjmë buzë lumit Shkumbin, po e bëjmë një park të madh fantastik atje.  Por po shohim edhe perspektivën tonë ekonomike. Ne në Kala jemi futur me një model shumë të mirë këtë vit. Këtë katër vjeçar ne do të fillojmë ridimensionimin total të Kalasë së Elbasanit, jo vetëm në bashkëpunim me privatin, por edhe infrastrukturën e përgjithshme tonën, por edhe shtëpitë e braktisura. Do të fillojmë restaurimin dhe rikonstruksionin e tyre. Dhe patjetër duhet të jetë e sigurtë, dhe Elbasani duhet të ketë një të ardhme të sigurtë ekonomike dhe prandaj po punojmë”, tha ai.

      Llatja deklaroi se në 4-vjecarin e ardhshëm do të vijojnë punët e mira për zhvillimin e ekonomisë dhe të infrastrukturës.

      “Ne kemi ardhur për të kërkuar mbështetjen tuaj në katërvjeçarin e ardhshëm në bashkinë e Elbasanit, të vazhdojmë të bëjmë punë të mira, të vazhdojmë zhvillimin  ekonomik të qytetit, zhvillimin e infrastrukturës jo vetëm në qytet, por edhe në zonat rurale. Të kemi një zhvillim të mirë ekonomik, dhe patjetër një cilësi jetese më të mirë për të gjithë qytetarët tanë” vuri në dukje Llatja.

      Për deputetin Spaho kjo fushatë ka vetëm një fitues që në nisje të saj, atë që në 4 vite ka treguar se punon, ka dhënë vizionin dhe përkushtimin e tij për Elbasanin, Gledian Llatja.

      “Gledi është djali i këtij qyteti, për të gjithë qytetarët e Elbasanit që e njohin, Gledi është një fjalë pak, por punë shumë, është një djalë qyteti që i qëndron pranë qytetarëve, jo vetëm për 40 ditë, për katër muaj, apo për katër vite për fushatë, por për katër vite nuk pushon, duke qëndruar krah qytetarëve, krah problematikave të tyre dhe natyrshëm duke dëgjuar me kujdes çdo problematikë që i adresohet. Sot Gledi ka eksperiencën e duhur, ekspertizën, vizionin, vullnetin ta çojë Elbasanin përpara, Elbasani 2030 dhe patjetër që Elbasani me Partinë Socialiste dhe Gledin nuk ndalet”, u shpreh deputeti Spaho.

      •  
    • VIDEO

      Rama nga Këlcyra: Ata të zorrës qorre duan vetëm të zaptojnë bashkitë! Po votuat dyshen Berisha-Meta, do rrotulloni në varr gjyshërit që e pësuan politikisht

      Kryeministri Edi Rama u ndal për takim me qytetarët në Këlcyrë, ku ka dhënë mesazhe për opozitën dhe dyshes Berisha-Meta që i referohet ndryshe si zorra qorre.

      “Çerdhja e fëmijës tënd s’mund të lihet në dorë të askujt që nuk di ta mbajë atë si duhet dhe të shërbejë si duhet. Edhe vëllai të jetë, jo më partia. Nuk e shikon dot me sy PS, punë e madhe fort, nuk e shikon dot me sy Edi Ramën, s’ka problem fare, ndërro stacion e shko te zorra qorre por mos ço votën e mos shko te zorra qorra. Ata sjellin frymën e Sudes dhe s’kanë asnjë respekt për njerëzit, kap çfarë të kapësh, mblidh votat edhe hajt se po e kapin e zaptojnë bashkinë. Këta i shohin bashkitë si Kështjella për t’i marrë peng. Janë njerëz që duan sherr, duan konflikt e t’i kthejnë bashkitë në barrikada”, tha Rama.

      •  
    • VIDEO

      Shefja e fushatës së PD për Tiranën: Veliaj mashtron për ndërtimin e shkollave! Bejko ka program për t'i dhënë zgjidhje arsimit

      Shefja e fushatës së PD për Tiranën, Mirela Karabina thotë se Erion Veliaj ka kryer mashtrime dhe në takimet për fushatën elektorale nuk tregon gjëra të vërteta, por manipulon opinionin publik. Sipas saj, Veliaj nuk ka kryer ndërtime shkollash aq sa pretendon duke shtuar se shkolla me turne vijon ende për shkak se ka dendësi të nxënësve.

    • VIDEO

      Mediu dhe Duka në Lushnje me kandidatin e koalicionit Berisha-Meta! Eduard Sharka: T'ia rikthejmë bashkinë qytetarëve

      Kryetari i Partisë Republikane Fatmir Mediu dhe Kryetari i Partisë Agrare Agron Duka zhvilluan takimin elektoral me mbështetësit e tyre në qytetin e Lushnjes.

      Në fjalën e tij Duka theksoi se bashkë me Mediu po punojnë  për listën e këshilltarëve agrar dhe republikanë dhe pjesë e garës së tyre është mbështetja e kandidatëve të opozitës dhe këtu në Lushnje, mbështetja e Eduard Sharkës i cili ka pasur dhe ka të gjithë angazhimin për fermerët e Lushnjes.

      Mediu gjithashtu theksoi se qeveria socialiste po përdor shtetin duke ushtruar presion mbi administratën dhe qytetarët. Ata po kërcënojnë hapur liritë dhe të drejtat e qytetarëve prandaj 14 Maj është dita kur shqiptarët duhet të ndëshkojnë me votë varfërinë, shkatërrimin e familjes, largimin masiv të shqiptarëve, krimin dhe korrupsionin.

       
    • VIDEO

      Veliaj nderon me ‘Certifikatat e mirënjohjes’ personalitetet e Njësisë 10: Qyteti është më i mirë falë punës tuaj

      Kryetari i Bashkisë së Tiranës, Erion Veliaj i shoqëruar nga deputeti i zonës, Fatmir Xhafaj vlerësoi me certifikata mirënjohje emra të njohur, që me punën e tyre i kanë shërbyer komunitetit të Njësisë 10 në kryeqytet. Teksa shprehu mirënjohjen për kontributin e këtyre personaliteteve në jetën e vendit, Veliaj tha se qyteti sot është më i mirë falë punës dhe kontributit të këtyre njerëzve me influencë.

      “Jam vërtet mirënjohës për kontributin që secili ka dhënë në fusha nga më të ndryshmet. Sot vërtetë ndihem se kemi një qytet është më i mirë falë punës suaj. Shoh gjithashtu sot që më shumë se kurrë, kemi një sulm për vlerat nga anti-vlerat, kemi një sulm për kulturën nga anti-kultura, kemi një sulm për profesionistët nga ata që nuk janë ekspertë dhe nuk janë profesionistë. Kur shikoj emrat e nderuar të mjekësisë, kujtohem sa kohë kanë pa dalë në televizor. Unë i njoh, Tirana e vjetër i njeh, por rinia nuk i njeh. Në televizor del më shumë njëri që thotë që vaksinat janë me çip dhe që Steve Jobs me Bill Gates kanë futur atje një mikorçip që të kontrollojnë botën me telekomandë. Mësuesin e kemi zëvendësuar me youtube apo me disa reality shou. Imagjinoni, në mes të Tiranës dikush ngre gishtin e mesit, është shumë krenar dhe paguan para për ta nxjerrë. Imagjinoni që ne kemi më shumë besim që një sistem kompjuteri do ruajë fëmijët tanë ndaj vulgaritetit?! Sot më vjen mirë të shoh mësuesit të ngrihen në piedestal”, tha Veliaj.

    • VIDEO

      Rama: Bashkitë tona janë më të pastra përveç Shkodrës, verbëria politika është paguar nga komuniteti! Turizmin do e fuqizojmë më shumë

      Kryeministri Edi Rama ndodhet sot në Dropull ku ka zhvilluar një takim me gratë dhe vajzat duke thënë se prioritet i qeverisë mbetet turizmi që do të fuqizojë cdo familje.

      Ndër të tjera përmendi edhe bashkinë e Shkodrës duke thënë se është i vetmi qytet ku nuk ka shërbimet e duhura për shkak të asaj që i referohet si verbëria politike.

    • VIDEO

      14 maji/ Kandidatët në terren! Spahia: Prioritet bujqësia dhe infrastruktura! Beci: Fokus arti, kultura dhe turizmi

      Kur mbeten edhe pak ditë nga zgjedhjet vendore që do të mbahen në 14 maj, kandidatët e bashkive kanë shpeshtuar takimet me elektoratet e tyre dhe kanë shpalosur programet.

      Në një takim me banorët e njësisë administrative të Berdicës në Shkodër, kandidati i koalicioinit Berisha-Meta Bardh Spahia shpalosi planet dhe objektivat kryesore për këtë zonë, ku theksoi nevojën për zhvillimin e infrastrukturës, bujqësisë, krijimin e tregjeve dhe hapësirave për të shitur prodhimet bujqësore dhe kthimi i qendrave kryesore të Shkodrës në atraksion turistik.

    • VIDEO

      Kandidatja e PS-së në Durrës, Emiriana Sako në Gramsh: Në fokus është transferimi i të gjithë zonës së Durrësit të Ri

      Në takim me banorët e komunitetit të Gramshit në Durrësin e Ri dhe Spitallë, kryebashkiakia Emiriana Sako, njëherazi edhe kandidate e PS-së për këtë bashki në zgjedhjet e 14 majit, tha se ndër objektivat kryesorë në planin e zhvillimit të kësaj zone është i transferimit të gjithë zonës, duke nisur nga projektet e infrastrukturës dhe deri tek projektet madhore që kanë ndikim jo vetëm për bashkinë e Durrësit, por edhe më gjerë.

      “Kemi bërë investime të rëndësishme në këtë 3 vite, jo vetëm në infrastrukturë por kemi filluar një investim që do të jetë model i transformimit urban jo vetëm për këtë zonë por për gjithë Durrësin e ri, sepse është një projekt shumë i rëndësishëm që duam ta shtrijmë deri në ketë zonë. Jemi të vendosur që mandatin që vjen të vazhdojmë të ndërhyjmë në infrastrukturë dhe në ndërtimin e qendrave shëndetësore për rehabilitimin e zonave të caktuara për kënde lojërash për fëmijët dhe vende qëndrimi për të moshuarit ”, tha Sako.

    Për lajme të tjera kërkoni në arkiv