-
VIDEO
Vrasja e gjyqtarit Astrit Kalaja! Mblidhet Gjykata e Elbasanit, kërkohet forcimi i masave të sigurisë! Pezullohen gjyqet
Një ditë pas vrasjes në Gjykatën e Apelit të gjyqtarit Astrit Kalaja, kryetari Gjykatës së Elbasanit Elis Dine ka thirrur në një mbledhje trupën gjykuese të kësaj gjykate. Në këtë takim u diskutua forcimi i masave të sigurisë së aksesit në gjykatë nga palët në proces gjyqësor, publiku dhe grupet e interesit. Ndërsa një pikë e rëndësishme e diskutimit ishte edhe shtimi i nënpunësve të sigurisë.
-
VIDEO
Shqipëria kreu sot transaksionin e parë përmes SEPA, Sejko: Komisione 10 herë më të lira, reduktohet informaliteti! Gonzato: Shqiptarët do ndihen si shtetas të BE
Nga sot kanë nisur zyrtarisht pagesat përmes sistemit SEPA. Guvernatori Sejko dhe ambasadori i BE Gonzato, e konsideruan moment historik kryerjen e transfertave përmes sistemit evropian. Sejko bëri apel për bankat që t’i promovojnë shërbimet e SEPA-s, ndërsa Rama teksoi se shqiptarët do të kursejnë mbi 20 milionë euro falë këtij sistemi, që në vitin e parë.
-
VIDEO
Vrasja e Astrit Kalasë, gjyqtari Fuat Vjerdha: Konflikti i familjes Shkambi ka nisur që nga viti 1994
Teksa mori pjesë në homazhet për gjyqtarin e vrarë ditën e djeshme Astrit Kalaja, gjyqtari Fuat Vjerdha tha në një prononcim për Report Tv, se pajisjet e detektorëve të Gjykatës së Apelit, mund të kenë pasur probleme.
Ndërsa i pyetur mbi kërcënimet, Vjerdha tha se nuk janë përballur me kërcënime.
“Tashti duhen kontrollet me ato pajisjet, por këshilli i Gjykatës ka caktuar një person për çdo sallë e gjyqi. Ato pajisjet më duhet se nuk funksionojnë, më duket se kanë kohë që nuk funksionojnë. Deri më tani nuk ka kërcënime. Ka pasur ndonjë reagim, por kërcënime të paktën aty ku punoj unë nuk ka pasur”, tha ai.
Ndërsa sa i përket rastit të familjes Shkambi, gjyqtari Vjerdha ka deklaruar se ky se ky konflikt daton që nga viti 1994, kur është bërë privatizimi i godinës.
“Kjo është një çështja me shumë problematika. Ka filluar që në vitin 1994, kur Gjykata e Apelit ia ka njohur këtë pronësi familjes Shkambi. I kontestuar nga shumë persona, pasi Bashkia e Shkodrës kishte strehuar rreth 30 familje dhe këtu ka nisur konflikti. Deri sa ato arritën të bëjnë privatizimin e ndërtesës, kërkuan që të hynin në posedim të banesës dhe të nxirrnin banorët jashtë. Këtë konflikt kanë pasur”, tha gjyqtari Vjerdha.
-
VIDEO
‘Kush më dënon nipin do përballet me plumba’, momenti kur xhaxhai i Elvis Shkambit shoqërohet në polici pas kërcënimit publik
Ky është momenti kur Gjovalin Shkambi, xhaxhai i autorit të vrasjes së gjyqtarit Astrit Kalaja, shoqërohet nga efektivët e policisë për në komisariatin e Shkodrës. Më herët, ai kërcënoi duke thënë se gjyqtari që do t’i dënojë nipin për vrasjen do të përballet me të njëjtin fat si gjyqtari që u vra dje.
-
VIDEO
Vrasja e gjyqtarit Kalaja, Gjykata e Fierit pezullon seancat gjyqësore! Flamuri ulet në gjysmështizë
Pas ngjarjes së rëndë ku mbeti i vrarë gjyqtari Astrit Kalaja edhe Gjykata e Shkallës së Parë në Fier ka vendosur të ndërpresë zhvillimin e të gjitha seancave gjyqësore të parashikuara për ditën e sotme, teksa edhe flamuri në këtë godinë është ulur në gjysmështizë.
Përjashtim do të bëjnë vetëm çështjet me karakter urgjent. Vendimi është marrë në shenjë zie dhe solidariteti me familjen e gjyqtarit të ndjerë dhe me trupën gjyqësore në të gjithë vendin.
Ndërkohë në një reagim Dhoma e Avokatëve Fier shprehen se gjyqtarin Astrit Kalaja nuk e vrau sot vetëm dora e një individi të çmendur por e vrau "sistemi gjyqësor".
-
VIDEO
Flamuri në gjykatën e Kukësit ulet në gjysmështizë, nesër s'do mbahet asnjë seancë! Kalaja shërbeu në këtë qytet si gjyqtar ushtarak në '95–'96
Edhe në Gjykatën e Juridiksionit të Përgjithshëm Kukës nuk është zhvilluar asnjë seancë gjyqësore ditën e sotme. Para godinës së gjykatës, flamuri është ulur në gjysmështizë, në shenjë zie dhe sensibilizimi për ngjarjen e rëndë të një dite më parë, ku humbi jetën gjyqtari i Apelit të Tiranës, Astrit Kalaja.
Burime zyrtare kanë bërë të ditur se moszhvillimi i seancave nuk lidhet me ndonjë vendim për pezullimin e punës, por për faktin se në kalendarin gjyqësor të kësaj të marte nuk ishin planifikuar procese gjyqësore. Ndërkohë, të mërkurën pritet që seancat gjyqësore të mos mbahen, përjashtuar ato që lidhen me dhënien e masave të sigurisë, si një akt respekti dhe solidariteti për ndarjen nga jeta të gjyqtarit Kalaja.
Astrit Kalaja ka shërbyer në Kukës si gjyqtar ushtarak gjatë viteve 1995–1996, duke qenë i njohur për përkushtimin e tij në fushën e drejtësisë.
-
VIDEO
Celibashi: Identifikimi elektronik i zgjedhësve eliminoi një gamë të madhe problemesh! S’dua të sfidoj askënd, por votimi nga jashtë ishte sukses
Kryekomisioneri Ilirjan Celibashi, duke iu përgjigjur pyetjeve gjatë raportimit në dy komisionet parlamentare, për veprimtarinë e KQZ-së, përsëriti sërish se i qëndron raportit të OSBE/ODIHR sa i përket zgjedhjeve të 11 majit. Ai tha se bashkëpunimi me SPAK dhe Prokurorinë e Përgjithshme ka qenë sukses dhe se ka kontribuuar në mënyrë pozitive në procesin e zgjedhjeve të këtij viti.
Duke u ndalur te identifikimi elektronik, ai e vlerësoi si të suksesshëm teksa tha se në vitin 2021 ka pasur 10 mijë raste dublikimi, një shifër që tani është ulur në 1 mijë. Edhe votimin nga jashtë e konsideroi si sukses, ndërsa tha se “nuk dua që të sfidoj kënd, kur them se votimi nga jashtë ishte një sukses”.
-
VIDEO
Rrugorja e Beratit bën bilancin gjatë dy javëve: 300 shoferë të ndëshkuar për ndalim në kundërshtim me sinjalistikën
Policia Rrugore e Beratit ka bërë bilancin e dy javëve të fundit. Në pranga ka rënë një shofer për drejtim mjeti nën ndikimin e alkoolit, dhe një tjetër do të hetohet në gjendje të lirë për drejtim mjeti pa leje drejtimi.
-
VIDEO
Vrasja e gjyqtarit Astrit Kalaja/ Avokatja në lot rrëfen tmerrin e ditës së djeshme: Siguria në gjykata është zero! Shteti i së drejtës nuk funksionon
Avokatja Brunilda Lika, ka folur për Report Tv duke treguar tmerrin me të cilin u përball ditën e djeshme në Gjykatën e Apelit ku u vra në sallën e gjyqit avokati Astrit Kalaja.
Me lot në sy, avokatja tregon se në ato momente ajo, koletë të saj e të pranishëm u mblodhën në një dhomë për të qenë të sigurte. Brunilda Lika shprehet se siguria nëpër gjykata është thuajse zero dhe se të gjithë janë të rrezikuar gjatë kohës që ushtrojnë detyrën e tyre.
“Isha në gjykatë për të zhvilluar procesin tim gjyqësor, isha në pritje të më thërrisnin për procesin gjyqësor, Të humbasi një gjyqtar jetën teksa jep vendimin në emër të Republikës së Shqipërisë është një akt i paprecedentë, dëshmi që shteti i së drejtës nuk funksionin.
Pashë trembjen që ndodhi në gjykatë, ne u grumbulluam në një hapësirë në hollin ku ne avokatët presim për të hyrë në salla, nuk pashë asgjë, gjendja ishte tronditëse, kur u krijua paniku u mblodhëm në një ambient për të qenë të sigurt, dëshmon që shteti i së drejtës nuk funksionon, akt i paprecedentë, çdo qytetar mund të humbasë besimin te institucionet shtetërore. Nuk duhej të priste ku akt makabër ndaj një gjyqtari, siguria në ambiente të tilla është pothuajse zero, në Gjykatën e Apelit siguria është zero, edhe në gjykata e rretheve, e vetmja godinë që ka siguri mund të jetë SPAK e GJL, deri diku edhe gjykata e lartë. Patjetër që jam ndjerë e pasigurt. Ky është realiteti”, tha avokatja.
-
VIDEO
Xhaxhai iu plagos dje në Gjykatën e Apelit pas gjyqit për pronën, flet nipi i Ragip Kurtaj: Vrasësi është i zhytur në borxhe, shteti i solli deri në këtë pikë
Shkëlqim Kurtaj, nipi i Ragip Kurtaj, i cili mbeti i plagosur ditën e djeshme së bashku me djalin e tij, ka folur sot për Report Tv, ndërsa fajtorin kryesor për ngjarjen bën ish-kryebashkiakun e Shkodrës, Lorenc Kuka.
Shkëlqim Kurtaj tregon se xhaxhai i tij nuk ka pasur asnjëherë prolbme eme njeri, por se pala tjetër, Gjon Shkambi, ka bërë intriga si dhe ka falsifikuar dokumentet gjyqësore për një pronë që nuk i përket.
Ai tregon se Gjon Shkambi dhe nipi Elvis Shkambi, i cili është gjithashtu dhe autor i vrasjes së gjyqtarit Astrit Kalaja, është zhytur në borxhe për të paguar gjyqet lidhur me këtë pronë dhe se janë detyruar të vijnë deri në këtë pikë për shkak se shteti prej vitesh nuk i ka dhënë zgjidhje.
-
VIDEO
Vrasja e gjyqtari Kalaja, Gjykata e Vlorës pezullon gjyqet për 4 ditë
Pas vrasjes së gjyqtarit Astrit Kalaja, Gjykata e Shkallës së Parë në Vlorë ka pezulluar të gjitha proceset gjyqësore për 4 ditë, nga data 7 deri më datë 10.
Vendimi është marre pas ngjarjes së rënde të ndodhur një ditë më parë në Tiranë. Përjashtim do të ketë vetëm për masat e sigurisë, të cilat do të zhvillohen normalisht.
-
VIDEO
U vra në krye të detyrës pasi dha vendimin, kolegët e gjyqtarit Astrit Kalaja vendosin lule në vendin ku u ekzekutua
Report Tv siguron foto nga vendi ku Astrit Kalaja u vra në krye të detyrës, pasi dha vendimin në Gjykatën e Apelit.
Kolegët e të ndjerit, Astrit Kalaja, kanë vendosur lule në vendin ku u vra dje.
Gjyqtari Kalaja u qëllua për vdekje nga Elvis Shkambi në Gjykatën e Apelit.