POP 5

Lajmet më të lexuara të 5 minutave të fundit

Kronikë

Viti 2019/ Kryeministri Rama dorëzon çeqet për tre foshnjet e para: Fiks për politikën e bonusit të bebes

1 janari i 2019-ës është pasuar me vizitën e kryeministrit Edi Rama në maternitetin Koco Gliozheni. Rama shpërndau 3 çeqe për tre fëmijët e parë që lindën gjatë natës ku u shënua ndërrimi i viteve. Në minutat e para të 2019-s lindën në total 6 foshnje të gjinisë mashkullore dhe dy të gjinisë femërore.

TIRANË- Kryeministri Edi Rama ka bërë të ditur përmes një postimi në rrjetin social  "Instagram" se në ditën e parë të vitit 2019 ka shpërndarë çeqet për tre foshnjet e para të lindura gjatë natës së ndërrimit të viteve. 

Përmbi fotos ku duket sëbashku me njërën nënë që ka sjellë në jetë një nga fëmijët e parë të këtij viti në maternitetin "Koço Gliozheni", Rama ka bërë të ditur se Aleksi, vëllai i dy motrave, si fëmijë i tretë, do të përfitojë 120 mijë lekë të reja. Ndërsa vajza që ka ardhur pas tij, si fëmijë i dytë në familje, do të përfitojë 80 mijë lekë të reja. Sa i takon familjes së tretë që ka sjellë në jetë po një vajzë, do të përfitojë 40 mijë lekë të reja. 

"Tre të parët kanë ardhur fiks si për të ilustruar politikën e re të Bonusit të Bebes. GEZUAR e me shëndet e mbarësi, të gjitha çifteve të reja e prindërve përsëritës të këtij Viti të Ri", shkruan në fund Rama. 

Postimi i kryeministrit Edi Rama në rrjetin social "Instagram"

Shqiptarët festuan mbrëmjen e djeshme ndërrimin e viteve. 2019-ta hyri në një mot të ftohtë por pa reshje shiu. Ky ishte viti i parë që shqiptarët e festuan ndërrimin e viteve pa fishekzjarre dhe kapsolla në duar. Të vetmit që hodhën fishekzjarre ishin bashkitë, të cilat në cdo qytet organizuan një spektakël në qiell. Me hyrjen e vitit 2019, shqiptarëve iu ndalohet bixhozi dhe llotot. Sot ka hyrë në fuqi ligji që ndalon lojërat e fatit, ndërkohë që të gjitha pikat që shërbenin si pika bastesh janë mbyllur.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Përmbytjet në Durrës, banorët për Report Tv: Situatë e përsëritur! Rruga e shtruar për zbukurim, nuk ka asnjë tubacion

Përmbytjet në Durrës, banorët për Report Tv: Situatë e përsëritur! Rruga e shtruar për zbukurim, nuk ka asnjë tubacion

30 Janar, 10:45