Fier/ Zjarr i madh në kodrat me ullishte në Levan, helikopteri shkon për të shuar flakët

FIER- Një zjarr i madh ka rënë në Levan në një zonë me kodra ku janë mbjellë ullinj. Report Tv ka mësuar se zjarri ka rënë në një terren të vështirë që është favorizuar nga era e fortë, ku rreth 5 hektarë ullinj janë përfshirë nga flakët. Nga zjarri nuk janë të rrezikuara banesat.

Nuk dihen ende arsyet e rënies së zjarrit, ndërkohë që në vendngjarje ndodhen policia dhe forcat zjarrfikëse që po punojnë për fikjen e flakëve. Në ndihmë të tyre ka shkuar edhe një helikopter.

Ndërkohë që mëngjesin e sotëm një tjetër ullishte u përfshi nga flakët në Lushnje. Situata problematike me zjarret ka qenë edhe në Bashkinë e Finiqit, ku janë djegur disa kullota.

LEXO EDHE:
Presidenti Begaj në panairin bujqësor të Lushnjes: Mirënjohje për ata që u janë rikthyer tokave, rol patriotik

Këto zjarre vijnë pas  disa vatrave aktive zjarri që u ndezën dje në qarkun e Lezhës. Forcat zjarrfikëse të Lezhës dhe drejtori Martin Gjini apeluan për ndihmë pasi sipas tyre, kapacitetet e këtij shërbimi në Lezhë janë tejet të dobëta. 

TAG:
• Fier
• zjarr ne levan

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.1%

• Keq

  62.8%

• Nuk e di

  13.1%

Vota total: 801

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di