Kukës, mbi 1 milion kosovarë kanë hyrë në Shqipëri për dy muaj, shtohen sportelet në Morinë

Mbi 1 milion e 150 mijë shqiptarë të Kosovës kanë hyrë dhe dalë nga Pika e Kalimit Kufitar e Morinit në Kukës, vetëm gjatë muajve Qershor e Korrik, që përkojnë me nisjen dhe muajin e dytë të sezonit turistik në bregdetin shqiptar.

Sipas statistikave të Policisë së Kufirit dhe Migracionit në Kukës, numri më i lartë i shqiptarëve të Kosovës që janë futur në Shqipëri është 15 ditëshi i dytë i Korrikut. Edhe numri i automjeteve që kanë hyrë dhe dalë nga kjo pikë kufitare ka qenë shumë i lartë, konkretisht rreth 400 mijë automjete.

Nga ana tjetër, në këtë pikë kufitare, kanë hyrë dhe dalë 321 mijë e 657 automjete të huaja ndërsa kanë hyrë dhe dalë 71 mijë e 185 automjete shqiptare. Sipas saj, i gjithë ky fluks kalimesh të shqiptarëve të Kosovës është përballuar me shtimin e sporteleve të përpunimit të dokumentacionit si dhe efektivëve, që kanë kontrolluar të dhënat e personave që kanë hyrë e dale.

LEXO EDHE:
Korrupsioni në doganën e Morinës, GJKKO shpall fajtor 25 nga 32 efektivët e arrestuar! Vetëm 2 prej tyre qendrojnë në burg

Policia thekson, se fluksi më i lartë është regjistruar në mëngjes, por edhe në darkë, ndërkohë që edhe policia rrugore ka pasur shtim të kontrolleve gjatë gjithë gjatësisë së segmentit rrugor nga Morini në Kalimash, në rrugën e Kombit.

TAG:
• dogana e Morinës

Sondazhi i ditës:

A ka politika frikë nga SPAK-u?

• Po

  68.7%

• Jo

  26.4%

• Nuk e di

  5%

Vota total: 4181

• Sondazhi i ditës:

  A ka politika frikë nga SPAK-u?

  Po Jo Nuk e di