Dekorimi i senatorit italian bën bashkë Metën, Berishën dhe Bashën

Presidenti i Republikës, Ilir Meta i akordoi senatorit italian Pier Ferdinando Casini dekoratën e lartë “Nënë Tereza”. Në ceremoninë e organizuar në Presidencë ishin të pranishëm ambasadori i Italisë, Cutillo, kreu i PD, Lulzim Basha, ish-kryeministri Sali Berisha dhe deputetë.

Meta në fjalën e tij u shpreh se senatori Casini është një politikan i shquar italian e mik i provuar të Shqipërisë. Presidenti theksoi se  Casini ka mbështetur fuqishëm zhvillimin demokratik të Shqipërisë dhe integrimin e saj euroatlantik.

Casini përfaqësues europianist i bindur në vlerat e lirisë, drejtësisë e solidaritetit. Senatori Casini është një prej personaliteteve më të shquara të politikës italiane. Casini ka ndikuar dukshëm e vazhdimisht në forcimin e marrëdhënieve midis dy vendeve. Senatori Casini ka dhënë një ndihmesë të jashtëzakonshme për promovimin e Shqipërisë në arenën ndërkombëtare e forcimit të marrëdhënieve midis Italisë dhe Shqipërisë. Casini ka qenë mbështetës aktiv i angazhimit të Italisë në të gjitha operacionet humanitare në Shqipëri. Italia është partner i pazëvendësueshëm strategjik për Shqipërinë. Marrëdhëniet midis dy vendeve janë të veçanta, shtrihen në shekuj, janë shumë planëshe e jashtëzakonisht njerëzore. Dimensioni politik dhe ekonomik i tyre janë në rritje dhe në interes të të ardhmes të dy vendeve. Italia është partneri kryesor e i pazëvendësueshëm, tradicional e natyral ekonomiko-tregtar.

LEXO EDHE:
Spastrimi nga ‘tradhtarët’ e nepotizmi, nesër konventa ‘kuqezi’ e PL! Sulme ndaj SPAK e ‘vizitë’ te Berisha

Një Itali e fortë, e qëndrueshme dhe e begatë është e rëndësishme për një Shqipëri më të zhvilluar dhe të begatë. Senatori Casini përfaqëson disa nga vlerat më të spikatura pozitive të popullit dhe kombit italian. Në këtë vit të Skënderbeut, intensifikimi i kontakteve dhe ngjarjeve politike, historike dhe kulturore me Italinë është i veçantë. Pas viteve 90’ Italia mirëpriti dhjetëra mijëra emigrantë të dëshpëruar, ndërsa sot atje janë të mirë-integruar mbi 500 mijë shqiptarë të cilët japin një kontribut të rëndësishëm për zhvillimin e Shqipërisë dhe për marrëdhëniet midis dy vendeve tona. Shqiptarët në Itali kanë treguar aftësitë dhe talentin e tyre kudo në punë, sipërmarrje, sport, kulturë. Mjafton të përmendim edhe fituesin e fundit të Sanremos, Ermal Metën, për të kuptuar se sa të forta, të ndërlidhura, të pandashme e të natyrshme janë marrëdhëniet shqiptaro-italiane sot. Shpreh mirënjohjen e thellë për Italinë e në mënyrë të veçantë për Senatorin Casini, e përkushtimin e tij personal për forcimin e miqësisë italo-shqiptare

President Ilir Meta

Ndërsa senatori Casini u shpreh se dekorata nuk i dedikohet vetëm atij por marrëdhënieve të shkëlqyera mes Italisë dhe Shqipërisë.

Falenderoj Presidentin Meta për vlerësimin me dekoratën "Nënë Tereza". Presidenti Ilir Meta mik i imi personal dhe një mik i madh i Italisë. Presidenti Meta kontribut të madh për forcimin e marrëdhënieve midis dy popujve. Dekorata nuk më dedikohet vetëm mua por marrëdhënieve të shkëlqyera mes Italisë dhe Shqipërisë. Shumë është bërë por më shumë ende mbetet për t'u bërë për forcimin e marrëdhënieve mes dy vendeve. Duam një Shqipëri europiane, të anëtarësuar në Bashkimin Europian. Shqipëria në BE, një faktor stabiliteti për të gjithë rajonin. Italia ka mbështetur dhe do mbështesë fort anëtarësimin e Shqipërisë në BE

Pier Ferdinando Casini

TAG:
• Ilir Meta
• lulzim basha
• sali berisha
• dekorata
• Pier Ferdinando Casini

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.5%

• Keq

  61.5%

• Nuk e di

  14%

Vota total: 1158

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di