Rritet numri i viktimave nga tërmeti në Indonezi, të paktën 347 të vdekur

Është rritur numri i viktimave nga tërmeti shkatërrues në ishullin turistik në Lombok në Indonezisë, që ra të dielën më 5 gusht. Fillimisht u raportua për 98 viktima. Sot mediat indoneziane raportojnë për 347 persona të vdekur. Shumica e njerëzve vdiqën në Kayangan, në anën veriore të ishullit, ka raportuar një agjensi vendase e lajmeve.

1.447 njerëz janë plagosur, ndërsa mbi 165 mijë persona të tjerë janë zhvendosur nga tërmeti, që goditi ishullin me forcën 6,9 ballë. Përgjatë këtyre ditëve pas rënies së tërmetit, në zonën veriore Lombokut janë zhvendosur shumë banorë. Sipas vlerësimeve, rreth 80% të ndërtesave janë shkatërruar, ndërsa autoritet e kanë të fokusuar ende punën në ndihmën tek njerëzit e prekur nga fatkeqësia. 

Shumë njerëz janë të zhvendosur dhe shumë prej tyre kanë migruar në zonat kodrinore dhe malore për shkak të frikës nga cunami.

LEXO EDHE:
Tërmet në Turqi! Ja sa ishte magnituda

Mediat ndërkombëtare

Lomboku u trondit para një jave nga një tërmet, prej nga gjetën vdekjen 16 vetë e mbi 350 të tjerë u plagosën. Indonezia ndodhet në rrethin e zjarrit të Oqeanit Paqesor dhe është ndër zonat më aktive gjeologjike të globit. Vazhdimisht atje ka tërmete e shpërthejnë vullkane. Në dhjetor 2004, një tërmet i fuqishëm në Sumatra shkaktoi një cunami që mori jetën e 230.000 njerëzve në rreth dhjetë vende.

TAG:
• viktima
• termet
• Indonezi

Sondazhi i ditës:

Si e vlerësoni punën e Gjykatave e Prokurorive në qarqe?

• Mirë

  22.6%

• Keq

  51.6%

• Nuk e di

  25.8%

Vota total: 31

• Sondazhi i ditës:

  Si e vlerësoni punën e Gjykatave e Prokurorive në qarqe?

  Mirë Keq Nuk e di