Sulm me thikë në një kopësht në Kinë, të paktën 14 fëmijë të plagosur

Një sulm me thikë ka ndodhur paraditen e sotme në një kopësht në Kinë ku të paktën 14 fëmijë rezultojnë të kenë mbetur të plagosur. “CNN”, shkruan se një 39-vjeçare me një thikë kuzhine ka sulmuar fëmijët e kopshtit në provincën Chongqing.

Sipas të njëjtave burime, roja e kopshtit bashkë me pjestarë të tjerë të stafit kanë neutralizuar 39 vjeçaren  e cila me veprimin e saj ka shokuar të gjithë zonën. Gruaja i sulmoi fëmijët në momentin që po ktheheshin nga ora e edukimit fizik, pasi kopshti i fëmijëve ku ka ndodhur ngjarja nuk ka një oborr të jashtëm për zhvillimin e orës përkatëse dhe mësimi zhvillohej në një park aty pranë.

Kalimtarë të rastit dhe banorë te zonës janë munduar ta ndalojnë agresoren, madje edhe duke e dhunuar fizikisht 39-vjeçaren.

Banorët shprehen se janë të shqetësuar për sigurinë në kopshte, pasi ky është një rast i përsëritur. Kujtojmë që në muajin prill të këtij viti një 28-vjeçar sulmoi një shkollë të mesme në provincën e Shaanxi duke lënë të vdekur 9 stundentë. 28-vjecari u dënua me vdekje nga autoritetet vendase pas krimit të kryer.

TAG:
• Kine
• sulm me thike
• Chongqing