POP 5

Lajmet më të lexuara të 5 minutave të fundit

Kronikë

Tiranë, AKU bllokon 1187 kg djathë dhe gjizë të pasigurtë për tregtim

Autoriteti Kombëtar i Ushqimit ka bllokuar pranë Tregut Agro-Ushqimor në Tiranë një sasi prej 1187 kg djathë të bardhë lope, djathë kaçkavall dhe gjizë në subjektin në pronësi të shtetasit Maringlen Zenelaj për tregtim të pasigurt të produkteve
Tiranë, AKU bllokon 1187 kg djathë dhe gjizë të pasigurtë për tregtim

Produktet ushqimore të bllokuara nga AKU

Autoriteti Kombëtar i Ushqimit ka bllokuar pranë Tregut Agro-Ushqimor në Tiranë një sasi prej 1187 kg djathë të bardhë lope, djathë kaçkavall dhe gjizë në subjektin në pronësi të shtetasit Maringlen Zenelaj për tregtim të pasigurt të produkteve të bulmetit.

Trupa inspektuese e AKU-së të Drejtorisë së Përgjithshme në bashkëpunim me inspektorët e Drejtorisë Rajonale Tiranë kanë inspektuar subjektin në tregun Agroushqimor përgjatë autostradës Tiranë Durrës.
Nga kontrolli ka rezultuar se produktet djathë i bardhë lope në fuçinë me sasi 440 kg, djathë dele në sasinë e 250 kg, djathi kaçkavall në sasinë e 137 kg dhe një sasi gjize prej 360 kg rezultuan pa etiketë dhe në mungesë të sistemit të gjurmueshmërisë. Për këto gjetje trupa inspektuese e AKU-së, ka marrë mostra për analiza, ku tre nga katër këto produkte të bulmetit rezultuan mbi ngarkesën e lejuar mikrobiologjike.


(Produktet ushqimore të bllokuara nga AKU)
Për mungesë të etiketës dhe gjurmueshmërisë, rezultateve të analizave mbi normë të ngarkesës mikrobiologjike të produkteve të bulmetit dhe tregtim të produkteve të pasigurta në treg, nga trupa inspektuese e AKU-së ndaj subjekt u mor masa administrative me gjobë me vlerën e 500 mijë lekëve si dhe bllokimi i produkteve të bulmetit.

Ndërkohë nga trupa inspektuese e AKU-së ndaj po merr masat për asgjësimin e këtyre produkteve, sipas mënyrave të përcaktuara nga legjislacioni në fuqi, për mbrojtjen e mjedisit nga operatori i biznesit ushqimor që ka kryer shkeljen.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e Martinit, nesër Burgjet vendosin: 14 vjeçari i arrestuar do transferohet në qeli apo do të vijojë të qëndrojë në spital

Vrasja e Martinit, nesër Burgjet vendosin: 14 vjeçari i arrestuar do transferohet në qeli apo do të vijojë të qëndrojë në spital

24 Nëntor, 10:58 nga Keti Banushi