Bota

Inteligjenca artificiale mund të zëvendësojë rreth 300 milionë vende të punës me orar të plotë, është thënë në një raport të bankës Goldman Sachs. Sipas gjetjeve në raport, avancimi teknologjik mund të zëvendësojë një çerek të detyrave të punëtorëve në Shtetet e Bashkuara dhe Evropë, por edhe nënkupton hapjen e vendeve të reja të punës dhe hapësirë të re për produktivitet.

Sulmuesja që vrau gjashtë persona në një shkollë të Nashville në Tennessee, bleu të hënën 7 armë dhe i fshehu në shtëpi. Këtë bëri me dije policia.

Në një intervistë televizive të publikuar më 26 mars, presidenti rus, Vladimir Putin, tha se deri në korrik Moska mund t'i zhvendosë armët bërthamore taktike në territorin e aleatit të saj, Bjellorusisë. Ai tha se e gjithë infrastruktura e nevojshme për një dislokim të tillë do jetë gati deri më 1 korrik.

Presidenti amerikan Joe Biden i bëri thirrje kryeministrit izraelit Benjamin Netanjahu të martën të heqë dorë nga plani për reformën e gjyqësorit që do të tkurrte kompetencat e këtij sistemi dhe forconte kontrollin ndaj tij nga qeveria.

Presidenti ukrainas Volodymyr Zelensky, në një intervistë ekskluzive dhënë për Associated Press në bordin e një treni që e transportonte atë nga Sumy në Kiev, ftoi presidentin e Kinës, Xi Jinping në Ukrainë. Kjo ftesë e Zelenskyt kundrejt Xi Jinping, vjen pasi ky i fundit u takua me presidentin rus Vladimir Putin në Moskë, ndërsa është treguar i gatshëm edhe të ndërmjetësoje bisedime mes Rusisë dhe Ukrainës.

Një gjykatës federal ka vendosur që ish-nënpresidenti Mike Pence duhet të dëshmojë para një jurie të madhe pasi u thirr nga prokurori special, i cili po heton përpjekjet e ish-presidentit Donald Trump dhe aleatëve të tij për të përmbysur rezultatin e zgjedhjeve presidenciale të vitit 2020.

Vendet e Bashkimit Evropian ranë dakord të martën të kërkojnë një opsion ligjor për t'ua ndaluar kompanive ruse që të dërgojnë gaz natyror të lëngshëm (LNG) në vendet e BE-së.

Protestat dhe grevat kundër reformave jopopullore të pensioneve pushtuan sërish Francën të martën, për këtë arsye ditën e sotme autoritetet  morën vendimin për të mbyllur Kullën Eiffel, që është edhe simbol i Parisit.

Silvio Berlusconi është shtruar në spital mbrëmjen e djeshme në San Raffaele në Milano. Sipas asaj që mësohet, nuk do të kishte ndonjë problem të rëndë shëndetësor

Zemërimi ndaj reformave të pensioneve të presidentit francez Emmanuel Macron nuk tregoi asnjë shenjë të tërheqjes të martën, ndërsa vendi ka hyrë në ditën e 10-të të demonstratave mbarëkombëtare.

Të paktën 39 persona humbën jetën në një zjarr në një qendër migracioni në Ciudad Juarez, një qytet në kufirin e Meksikës me Shtetet e Bashkuara të martën.

Të paktën dy persona u vranë dhe një u plagos në një sulm me thikë në Qendrën Ismaili në Lisbonë të martën. Mediat e huaja shkruajnë se oficerët qëlluan drejt agresorit pasi ky i fundit nuk pranoi të lëshonte në tokë armën që mbante. 

Më 10 mars, mijëra civilë dhe ushtarë marshuan së bashku nëpër rrugët qendrore të kryeqytetit, duke brohoritur "Lavdi Ukrainës" dhe "Lavdi heronjve" në një homazh për Dmytro Kotsyubaylo, komandantin më të ri që është dekoruar ndonjëherë si Hero i Ukrainës dhe luftëtari i parë vullnetar që u dekorua sa ishte ende gjallë.