Sport

Kombëtarja shqiptare e futbollit do të luajë me Republikën Çeke më datën 7 shtator në Pragë, ndërsa tre ditë më pas më 10 shtator është sfida e dytë me Poloninë, që do të luhet në stadiumi “Air Albania” të Tiranës. Të dyja duelet vlejnë për kualifikueset e Europianit 2024, me tanët që janë në grupin E dhe në garë për një vend në finalet e turneut të Gjermanisë.

Rraman Hallaçi nuk është më trajneri i Kukësit. Klubi verilindor ka njoftuar se pas dy humbjeve në nisjen e sezonit të ri, trajneri dhe Kukësi kanë ndarë rrugët.

Nga

Stavro Dhimitri

Vetëm 500 mijë euro pagoi Legia e Varshavës për të bërë të vetin Ernest Muçin në 23 shkurt 2021, duke e blerë nga Tirana. 20 vjeç asokohe, pesha mbi supet e sulmuesit u shtua, teksa detyra e tij ishte për të treguar cilësitë në një kampionat të fortë ku gara sportive nuk ishte gjëja e vetme që djaloshi do duhet të kapërcente.

Afro 19 mijë zemra do rrahin kuqezi në "Air Albania" mbrëmjen e 10 shtatorit dhe miliona të tjera në mbarë botën, ditën kur Kombëtarja do përballet kundër Polonisë për kualifikueset e Euro 2024 në grupin E.

Inter Miami fitoi 1-3 në transfertë kundër Los Angelos FC në "BMO Stadium", për javën e 27-të në MLS amerikane të futbollit.

Barcelona fitoi 1-2 në udhëtim me Osasunën, për javën e katërt në La Liga. Në "Pamplona" u desh një gol i Lewandowsit që katalanasit e Xavit të dilnin me pikë të plota, duke iu falur fundit të lojës.

Për javën e tretë në Serinë A të futbollit në Itali, Juventusi fitoi 0-2 kundër Empolit në transfertë.

Partizani ia doli të merrte tri pikë “in extremis” kundër Laçit, për javën e dytë në Superligë. Kampionët në fuqi të Shqipërisë iu falën një goli të Maguette në minutën e 90+3 të ndeshjes, me mesfushorin që shënoi me kokë dhe përmbylli shkëlqyeshëm një ndeshje ku ishte më i miri në fushë

Interi fitoi 4-0 kundër Fiorentinës për javën e tretë në Serie A. Zikaltërit dominuan duelin kundër djemve të Italianos, duke “nxirë” vjollcët nga Firence. Lautaro me dopietë, Thuram dhe Calhanoglu bënë që Inzaghi në stol të ishte i qetë me fitoren e tretë radhazi në këtë fillim sezoni

Vendasit gjetën golin e avantazhit në minutën e gjashtë me Ernest Muçin. Sulmuesi i Kombëtares mori një asist nga portieri i tij dhe falë shpejtësisë dhe sprintit prej 40 metrash u gjend përballë portierit kundërshtar, për t’ia lënë sferën pas shpine

Superliga shqiptare e futbollit është në javën e dytë. Në “Kukës Arena” vendasit e Rraman Hallçit humbën 0-4 nga Egnatia, duke treguar se ky edicion në elitën e futbollit do jetë ndryshe, teksa nuk pretendohet më kreu i renditjes, por mbijetesa

Çmimi i Madh i Italisë në pistën e Monzas ka parë kampionin në fuqi të botës, Max Verstappen që të fitojë garën e 10-të radhazi, duke vendosur një rekord unikal në sportin e Formula 1, gjë që asnjë pilot nuk e kishte bërë më herët

Premier League e futbollit në Angli vijon me javën e katërt në sezonin e ri. Në dy ndeshjet e pasdites së kësaj të diele, skuadrat vendase ia dolën të siguronin tri pikë. Liverpool mposhti 3-0 Aston Villën, ndërsa Crystal Palace fitoi 3-2 me Wolves

MotoGP është në Çmimin e Madh të Spanjës në Katalonjë. Kampioni në fuqi i botës dhe njëherazi udhëheqësi i këtij sezoni, Francisco Bagnaia ka parë tmerr me sy në pistë. Qysh në xhiron e parë piloti është goditur nga një motor KTM dhe për fat të mirë është jashtë rrezikut për jetën, bëjnë me dije mediet evropiane.

Kombëtarja shqiptare do të nisë të hënën e 4 shtatorit zyrtarisht përgatitjet për dy ndeshjet e radhës në transfertë ndaj Republikës Çeke më 7 shtator në stadiumin “Fortuna Arena” të Pragës dhe Polonisë më 10 shtator në “Air Albania” të Tiranës, të vlefshme për kualifikueset e Kampionatit Evropian “Gjermani 2024”. Programi një javor i kombëtares është publikuar nga FSHF.

Konyaspor fitoi këtë të shtunë 0-1 kundër Basaksehir në transfertë, sfidë që vlente për javën e katërt në Superligën e futbollit në Turqi. Ndeshja për miqtë u vendos nga goli i Sokol Cikalleshit në minutën e 53 të ndeshjes.

Teuta dhe Tirana barazuan 2-2 për javën e dytë në Superligën shqiptare të futbollit. Në “Niko Dovana” u deshën 100 minuta për të mbyllur ndeshjen, teksa përballja u ndal për pesë minuta në pjesën e parë pasi në stadiumin e Durrësit ikën dritat.