Bota

Situata paraqitet e tensionuar në qytetin nigerian të Lagosit, ku gjatë një proteste kundër dhunës brutale të policisë ndaj qytetarëve, janë plagosur mbi 20 persona,

Përfshihet nga flakët fabrika më e madhe e prodhimit të Nutellas. Ngjarja ndodhi në Rouen, Francë në orët e para të mëngjesit. Nuk kishte viktima. 20 zjarrëfikës për të shuar flakët.

Rusia ka autorizuar Ministrinë e saj të Mbrojtjes të hapë një zyrë në Serbi, thuhet në një dokument të Qeverisë ruse, që e transmeton agjencia e lajmeve Reuters.

Franca urdhëroi mbylljen e përkohshme të një xhamie jashtë Parisit, pjesë e një fushatë të qeverisë ndaj grupeve ekstremiste myslimane.

Eurostat: Europa pa një rritje dramatike të vdekjeve në pranverë, 170 mijë më shumë, kryesojnë Spanja dhe Italia.

Edhe pse deri tani janë nënshkruar dy marrëveshje armëpushimi, më 20 tetor vazhduan luftimet ndërmjet Armenisë dhe Azerbajxhanit në lidhje me rajonin e shkëputur të Nagrono Karabakut, edhe pse këshilli i Sigurimit i Kombeve të Bashkuara ka bërë thirrje për respektimin e armëpushimit. 

Gjykata Administrative e Berlinit hedh poshtë masat e reja për të mbyllur baret dhe restorantet nga ora 23:00 deri në orën gjashtë të mëngjesit, nuk ka prova të mjaftueshme që tregojnë se vendet të cilat respektojnë masat kufizuese të ndikojnë në shtimin e infeksioneve.

Peter Madsen i burgosur përjetë, me akuzat e ngacmimit seksual dhe vrasjen e një gazetari në bordin e nëndetëses së tij është kapur pasi u përpoq të arratisej nga burgu.

Në një kohë kur vendi po përballet me një valë të dytë të infeksioneve me Covid-19 dhe ka rikthyer një pjesë të madhe të kufizimeve, kryeministri italian deklaron se vaksina  do të jetë e gatshme në fillim të dhjetorit.

Rajoni në veri të Italisë, Lombardia do të vendosë orë policore, në përpjekje për të frenuar përhapjen e mëtejme të  Covid-19. Ora policore do të aplikohet nga ora 23:00 deri në orën 05:00 dhe pritet të hyjnë në fuqi natën e 22 tetorit dhe do të jetë në fuqi deri më 13 nëntor. 

Kanë ngelur dy javë para mbajtjes së zgjedhjeve presidenciale  në SHBA dhe një Donald Trump tejet agresiv po shfaqet ditë pas dite, duke sulmuar tanimë jo vetëm kundërshtarët e tij por edhe bashkëpunëtorët, ku nuk kursye edhe për Drejtorin e Institutit të Sëmundjeve infektive Anthony Fauci.

Irlanda dhe Uellsi marrin masa ekstreme në luftën ndaj Covid-19 duke hyrë pothuajse në izolim total. Ndërkohë që në pjesën tjetër të kontinenti vazhdojnë përpjekjet për të vënë nën kontroll virusin që u ka marrë jetën të paktën 201 000 personave.

Në përballje me valën e dytë të infeksioneve me Covid-19, kreu i Urgjencave Shëndetësore në OBSH, Michael Ryan u bëri thirrje autoriteteve që të vendosin rastet e kontaktit në karantinë, megjithëse disa prej tyre, si Sllovenia kanë hequr dorë nga gjurmimi i tyre për shkak të pamundësisë për t’i gjurmuar të gjitha.

15 persona, përfshirë katër studentë, ndodhen në paraburgim si pjesë e hetimit për vrasjen e mësuesit, Samuel Paty, në afërsi të Parisit të premten e kaluar. Mes të arrestuarve gjendet edhe një prind i njërit nga nxënësit dhe një person i cili është dënuar më parë për veprime terroriste. 

Mbrëmjen e djeshme qeveria irlandeze, në përpjekje për të vënë nën kontroll valën e re të Covid-19, mori vendimin për të shtuar masat kufizuese duke i sjelle ato në nivel të ngjashëm me pranverën.  Edhe pse vendi ka një shkallë më të ulët të vdekshmërisë dhe infeksioneve në raport me vendet e tjera evropiane, ajo ka marra masat më ekstreme në kontinent, në ata që quhet luftë ndaj valës së dytë të virusit.

Përhapja e Covid-19 në Belgjikë është më e rëndë sesa në mars, gjatë valës së parë të pandemisë së koronavirusit, meqë numri i personave të infektuar ka prekur rekorde të reja, ndërkohë që numri i personave në spitale është dyfishuar çdo javë.

Qeveria gjermane po investon 500 milion € në përmirësimin e sistemeve të ventilimit në ndërtesat publike për të ndihmuar në ndalimin e përhapjes së koronavirusit.

Nagorno- Karabkh nuk gjen qetësi, luftimet vazhdojnë ende dhe as marrëveshja e dytë e armëpushimit nuk ka mundur t’u japë fund shpërthimeve të raketave dhe vdekjeve në zonë. Ndërkohë që deri tani kanë humbur jetën të paktën deri në 810 persona.