Bota

Në Greqi gjatë 24 orëve të fundit janë shënuar 937 raste të reja pozitive dhe 62 viktima nga koronavirusi. Numri total i infektimeve në vend ka shkuar 133365, ndërkohë që numri i viktimave është 4.402 që nga fillimi i pandemisë, duke përfshirë edhe përditësimet e ditës së sotme.

Gjermania e disa shtete të BE kanë kufizuar transportin me Britaninë e Madhe, për shkak të variantit të ri të koronavirusit. Të mërkurën Franca i rinisi kontaktet me Britaninë e Madhe, por me kushte, shkruan Auron Dodi.

Qeveria e Mbretërisë së Bashkuar do të vendosë edhe disa pjesë të juglindjes dhe jugperëndimit të Anglisë në nivelin më të lartë të kufizimeve kundër koronavirusit  duke nisur nga 26 Dhjetori, njoftoi sekretari i shëndetësisë Matt Hancock.

Organizata Botërore e Shëndetësisë mendon se varianti i ri i COVID-19 transmetohet më shpejtë nga të rinjtë dhe fëmijët, ndërkohë po kryhen studime për këtë teori.

Në Itali familjarët e personave që kanë humbur jetën si pasojë e COVID-19 në Itali, po kërkojnë në rrugë ligjore që qeveria ti shpërblejë në shumën prej 10 milionë eurosh.

Qindra emigrantë që po punojnë në vijën e frontit kundër COVID-19  në Francë janë shpërblyer me fitim të shtetësisë me procedurë të përshpejtuar.

Në një vit që për më shumë seç çdo gjë u fol për pandeminë, bota humbi mbrojtësit ikonë të të drejtave civile, politikanë të rëndësishëm, atletë dhe artistë të mëdhenj. Shumë  prej tyre zënë një vend të  rëndësishëm në vetëdijen kolektive - Ruth Bader Ginsburg, Diego Maradona, Sean Connery, ose Valéry Giscard d'Estaing - por kufizimet e vendosura për të vënë nën kontroll pandeminë e shkaktuar nga  COVID-19 shpeshherë penguan të mbanin zi dhe ti kujtonin ata siç e meritonin.

Qeni i presidenti francez Emmanuel Macron është “ylli” i një videoclipit, i cili ka për qellim të sensibilizojë sa më shumë qytetar në mënyrë që të adoptojnë sa më shumë kafshë të braktisura.

E moshuara 90 vjeçare është bërë qytetarja e parë zvicerane e cila ka marrë vaksinën anti-COVID, pasi vaksinimi në vend ka nisur ditën e sotme.

Në Gjermani rekordet e viktimave nga COVID-19 nuk ndalet, gjatë 24 orët e fundit janë shënuar 962 viktima. Totali i viktimave në Gjermani ka shkuar 27,968 që nga fillimi i pandemisë siç raporton edhe Instituti Robert Koch

Në një kohë kur të gjithë janë të frikësuar në lidhje me efektshmërinë e vaksinave antiCOVID ndaj variantit të ri të shfaqur në Mbretërinë e bashkuar lajme të mira vijnë nga kompanitë farmaceutike.

Ish kryeredaktori i gazetës turke "Cumhuriyet" Can Dundar me origjinë shqiptare,  është akuzuar për terrorizëm dhe spiunazh

Me ardhjen e Joe Bidenit në pushtet, të gjitha palët e marrëveshjes bërthamore duan të merren sërish me të. Irani kërkon që të qëndrojë tek marrëveshja e vjetër. Por ka mundësi që Perëndimi të kërkojë më shumë se kaq. Nuk do jetë e lehtë t'i kthehesh një marrëveshjeje që kërkoi vite me radhë që të arrihej dhe u sabotua jashtë çdo rregulli menjëherë pasi u arrit, por presidenti i sapozgjedhur i SHBA-së Joe Biden ka treguar interes të merret me të. Irani e mirëpriti këtë gjë.

Presidenti i Shteteve të Bashkuara Donald Trump paralajmëroi se nuk do të nënshkruante paketën financiare prej 892 miliardë dollarësh ndihme rimëkëmbje nga kriza e shkaktuar nga COVID-19, duke thënë se pagesat direkte të parashikuara në paketë, duhet të rriten.

Një person ka qëlluar për vdekje tre oficerë policie të cilët u thirrën pasi ai kishte ushtruar dhunë në familje në Francën qendrore.

Tre policë janë vrarë gjatë natës në Francë dhe një tjetër ka mbetur i plagosur  nga një 48 vjeçar.

Lëkundje tërmeti me magnitudë 4.6 të shkallës Rihter u ndjenë mbrëmjen e sotme në Itali. Sipas EMSC, lëkundjet u regjistruan në rajonin e Siçilisë me një thellësi prej 30 km.

Vetëm 2 ditë kanë kaluar dhe Franca do i rihapë kufijtë e saj për pasagjerët që vijnë nga Anglia. Kufijtë do të hapen ditën e nesërme (23 dhjetor) duke i dhënë fund bllokadës që synonte parandalimin e përhapjes së variantit të ri të COVID.

Në 24 orët e fundit në Itali u regjistruan 13,318 raste të reja me koronavirus duke e çuar numrin total të të infektuarve që prej fillimit të pandemisë në 1,977,318. Ndërkohë në krahasim me një ditë më parë është vënë re një rritje e numrit të viktimave ku në 24 orët e fundit, 628 qytetarë kanë humbur jetën.