Lajme nga emisionet

Dija është "mburoja" më e mirë përkundrejt pedofilëve, raste me të cilën shoqëria shqiptare, por jo vetëm po përballet gjithnjë e më shumë. I këtij mendimi është sociologu Gëzim Tushe, i cili i ftuar në "Studio Live" në Report Tv me gazetarët Migena Sotiri dhe Arbër Hitaj, tha se në këtë rast rol kyç ka familja dhe shkolla. Ai ka sjellë në vëmendje edhe disa mënyra se si një prind duhet të edukojë një fëmijë për të kuptuar se përballë ka një pedofil.

Deputeti i Partisë Socialiste, Erion Braçe ka ripërsëritu edhe njëherë shqetësimin se fermerët janë lënë pas dore nga paketa e re fiskale. Në një intervistë  për emisionin "Repolitix' në Report Tv, Braçe kritikoi kryeministrin Edi Rama i cili sipas tij braktisi fermerët duke jua zeruar kompensimin bujqve dhe ndërkohë u rriti shpenzimet për prodhimin e tyre. Kritika të ashpra Erion Braçe pati edhe për masat antiCOVID duke thënë se vaksina duhet të bëhet me detyrim.

Një protestë e tyre sot para Kuvendit, e paparalajmëruar, riktheu edhe njëherë në vëmendjen e qeverisë, shqetësimin e personave me aftësi të kufizuar paraplegjik dhe tetraplegjik, por pavarësisht kësaj, shpresat që kërkesat e tyre do të plotësohen janë të pakta. Në 'Studio Live' në Report Tv, sot ishte një i ftuar i veçantë, Rigels Osmanllari, një person me aftësi të kufizuar, paraplegjik.

Anëtarja e Komitetit Teknik të Ekspertëve, Mirela Cami ka shpjeguar në Report Tv se përse u mor vendimi për vaksinë me detyrim për punëtorët e supermarketeve dhe administratës publike. Cami tha se kjo masë u mor për shkak se në këto vende ka fluks të madh njerëzish, por edhe duke marrë parasysh përhapjen e variantit Omicron në Europë dhe afrimin e sezonit të dimrit.

Ish kryetari i Këshillit Kombëtar të PD, Bujar Nishani tha se PD aktualisht ndodhet në një kaos të madh dhe sfida e 11 dhjetorit është të realizojë pritshmëritë e demokratëve për ristrukturimin e partisë.  Edhe për ish kreun e FRPD, Lisandër Hoxha më 18 Dhjetor nuk do të ketë Kuvend, pasi Basha nuk e kuorumin e duhura për ta mbledhur. Ndërsa për gazetarin Erl Murati, Basha dhe Berisha e kanë mbyllur ciklin e tyre politik.

Sulmet e Sali Berishës ndaj reformës në drejtësi thuajse nuk mungon në asnjë "Foltore" të tij ka qenë debati në emisionin 'Repolitix' në Report Tv.  Për juristin Plarent Ndreca ky sulm i Berishës bëhet pikërisht për të dëmtuar besimin te drejtësia e re. Drejtuesi i Qendrës për Çështje të Informimit Publik, Gerti Shella po ashtu ishte në një mendje se përmendja e emrave të ndryshëm nga politikanët dëmton kredibilitetin e gjyqtarëve.

Kur bota sot përballet me COVID-19, një tjetër epidemi kujtohet çdo 1 Dhjetor. Në Ditën Botërore Kundër HIV/AIDS Andi (emër i vendosur nga redaksia) mori guximin të rrëfejë për herë të parë historinë e jetës në emisionin ’Pa Gjurmë’, në Report TV, 2 vite pasi u infektua.

Një mesazh urgjent mbërriti këtë të mërkurë në redaksinë e emisionit ‘Pa Gjurmë’ në Report TV. Familjarët e një 17-vjeçari nga Vlora denoncojnë zhdukjen e të birit, kontaktin e fundit me të cilin e kanë patur në 28 nëntor 2021. 

Në një kohë kur ka mbërritur drafti paraprak i Komisionit të Venecias ku rekomandohet pro zgjatjes së afateve të vettingu-ut, juristi Ledio Braho del kundër këtij propozomi. Në ‘Studio Live’ në Report Tv, Braho thotë se KPK e ka ditur që në ngritje të saj që ka pasur në afat të caktuar për të kryer procesin e vettingut.

Pas reshjeve të shumta dhe erërave të forta shumë zona në vend mbetën pa energji elektrike, kryesisht në zonat e thella malore.  Shkak për shkëputjen e energjisë në zonat malore, sipas administratorit të OSSH, Petraq Lika është edhe fakti që 82% e rrjetit të shpërndarjes në Shqipëri është në vijë ajrore. Lika tha se aktualisht vetëm 8 linja janë të dëmtuara dhe po punohet për ti riparuar kryesisht në Korçë dhe në Kukës.

Në një intervistë në emisionin “Rreze Dielli” në Report Tv, astrologu i njohur Jorgo Pulla tregoi më tepër për parashikimin e yjeve për muajin dhjetor ku theksoi se do të jetë përgjithësisht një muaj i mbarë ndërsa renditi shenjat më të favorizuara dhe ato më pak të favorizuara.

Në emisionin 'Repolitix' të gazetarit Denis Minga në Report Tv, u diskutua për Kuvendet e PD, teksa na ndajnë 11 ditë nga ai i thirrur nga ish-kryeministri Sali Berisha. Të ftuarit, Arben Meçe, Gent Malko, Bledian Koka dhe Ibsen Elezi diskutuan edhe për akuzat që Berisha ka ngritur ndaj Bashës për dosjen e lobimit rus dhe për çështjen ‘Toyota Yaris’. Opinionistët u shprehën se të dyja palët i kanë ngritur stekat e sulmeve ditët e fundit ndërsa mbetet për t’u parë se çfarë do të ndodhë.

Thellohet skandali në futbollin shqiptar, ku sërish protagonist është Federata Shqiptare e Futbollit dhe klubi i Tiranës. Përveç borxhit që klubi i ka ish-presidentit të ndjerë, Metush Seferi, Tirana ka edhe një borxh ndaj ish-futbollistit, Rudi Vata.

Emisioni ‘Pa Gjurmë’ në Report TV nën moderimin e Odeta Dumes solli sërish emocione mesditën e kësaj marte, duke lidhur pas 35-vitesh djalin me nënën e tij. Aleksander Çoka i lënë në jetimoren e Shkodrës,sot për herë të parë pa imazhin e nënës dhe iu drejtua me fjalë zemre. Momente prekëse edhe për qindra shikues të ekranin të Report Tv, që shprehën emocionet e tyre nga një numër i madh telefonatash. 

Në një intervistë në emisionin ‘Rreze Dielli” znj. Elisabeta Skëndo tregoi për shpjegimet dhe interpretimet e saj për ëndrrat dhe detajet e tyre. 

Vrasja e Pashko Ujkës është një vrasje mafioze, por është faji i policisë që ngjarja nuk ishte parandaluar. Kështu thanë të ftuar në Report Tv ish-drejtori i policisë Arben Hajdarmataj si dhe eksperti i kriminalistikës Fatjon Softa

Flamur Hoxha, deputet i PD-së, shprehet se demokratët po shpenzojnë shumë energji në luftën mes njëri-tjetrin, e që sipas tij kjo nuk është aspak e drejtë. Ai rreshtohet krah Lulzim Bashës, duke thënë se thirrja e 2 kuvendeve, në 11 dhe 18 dhjetor, nuk ka të bëjë aspak me bashkimin e PD-së. Ai thotë se në PD, nuk ka një zgjidhje më të mirë se Lulzim Basha.