Lajme nga emisionet

Një grua bëhet ’molla e sherrit’, njëri ish dhe tjetri bashkëshorti i saj aktual patën një përballje të pazakontë live në studion e emisionit ’Pa Gjurmë’ në Report TV në kërkim të Shqipe Shalës.

Saranda është gati dhe pret që në 2 muaj në vijim të ketë një fluks të madh turistësh dhe të mund t'i afrohet vitit më të mirë që ka pasur deri më tani, vitit 2019 kur e vizituan rreth 800 mijë turistë. Kryetari i Bashkisë së Sarandës, Adrian Gurma, në një intervistë dhënë për Report Tv shprehet se ky qytet i ofron të gjitha dimensionet për turistët dhe pritet një fluks nga i gjithë rajoni por edhe vendet e Evropës lindore.

Fundi i muajit qershor na ka përballur me temperatura të larta për shkak se vendi ynë është përfshirë nga masa ajrore të ardhura nga veriu i Afrikës. Meteorologu Hakil Osmani, në një lidhje me Skype për 'Report Tv' foli me detaje për dy muajte tjerë të verës duke thënë se i nxehti do të vazhdojë përsëri.

Eksperti i kriminalistikës, Ervin Karamuça thotë në një intervistë për Report TV, se përgjegjësia bie mbi drejtuesin e Policisë së Shtetit dhe se ministri Çuçi nuk ka pse të justifikojë policinë.  Karamuça thotë se këto ngjarje nuk kanë lidhje me prokurorët dhe gjyqtarët. Sipas tij këto kanë lidhje me një strategji jo të mirë menduar nga ana e Policisë së Shtetit, për mënyrën sesi duhet përballuar ky sezon veror i cili po vjen më shumë intensitet të lartë kriminal

Në një intervistë në emisionin “Rreze dielli’’ diskuatuam mbi turizmin, ku gazetarja kosovare  Albina Zeneli tregoi eksperiencën e saj si turiste në Shqipëri. 

Konflikti i armatosur në Velipojë që përfundoi me katër viktima është një këmbanë alarmi për policinë. Eksperti i sigurisë, Fatjon Softa, tha për Report Tv se qytetarët kanë humbur besimin dhe po kërkojnë vetëgjyqësi duke gjetur zgjidhje kaubojsash. Softa e konsideron shtetin të gjunjëzuar në kushtet që nuk reagon. Sipas tij, policia duhet të lëviz dhe të parandaloj ngjarje

Për kryetaren e Bashkisë së Shkodrës, Voltana Ademin, vendimi i Gjykatës Kushtetuese për të kërkuar opinionin e Komisionit të Venecias për zgjedhjet lokale të vitit 2019, është një vendim i duhur. E ftuar në "Pa Protokoll", ajo u shpreh se një çështje e tillë ndodh për herë të parë dhe se për këtë kërkohet thellim dhe një vendimmarrje e duhur. Ndërsa e konsideron sukses faktin që Gjykata Kushtetuese mori nën shqyrtimin çështjen, ndërsa shton se megjithatë nuk priste një vendim brenda ditës.

E ftuar në "Pa Protokoll", Mesi u shpreh se Shqipëria i ka plotësuar kushtet e vendosura nga Brukseli dhe se për herë të parë të 27 vendet e BE nuk kishin asnjë kundërshti, por vendimi nga Unioni është politik. Konfliktin mes Maqedonisë së Veriut dhe Bullgarisë, që u përdorën si argument për mos caktimin e një date për Konferencën e Parë Ndërqveritare, Mesi e sheh si një pretekst, ndërsa thekson se nëse BE do të ishte gati për zgjerim, do të ndërhynte për ta zgjidhur këtë konflikt.

Ky është Arbër Bellegu, boksieri nga Kosova, kampion në ringun e Gjermanisë. I gjithë rrugëtimi për Arbër Bellegun nuk ka qenë i lehtë. Në një intervitë për 'Report TV' ai tregon se boksin e ka nisur që në moshën 13 vjeçare për të ushtruar aktivitet fizik me rekomandimin e mjekut, pasi kishte probleme me obezitetin. Pasi ka ushtruar 2 vite boks, Bellegu nga 100 kg ka humbur 29 kg.

Pushimet e familjes Gushi, u kthyen tragjike për shkak të aksidentit që ndodhi ditën e sotme në Vlorë, ku katër antarët e famijes u shuan. Eksperti i Sigurisë Rrugore, Arben Luzi, i ftuar në ‘Studio Live’ në Report TV shpjegoi rrethanat se si ka ndodhur aksidenti. Sipas ekspertit Luzi, makina tip ‘Audi’ ka qenë me shpejtësi mbi normat e lejuara dhe e ka goditur mjetin tip ‘Toyota’ nnë pjesën e pasme, në anësoren e majtë.

Moisi Dalipi është ikona e transmetieve radiofonike. Ai ka qenë komentatori i më shumë se 500 ndeshjeve sportive, me një dashuri dhe pasion të madh për sportin. Në një intervistë në emisionin “Rreze Dielli” gazetari dhe komentatori i njohur rrëfen jetën e vështirë mbushur me sakrifica por edhe dashuri për punën e tij.

Dita e stome ka regjistruar temperatura rekord, ku termometri arriti deri në 41.6 gradë në Kuçovë, Dimal dhe Belsh. Meteorologu Hakil Osmani, u shpreh se të njëjtat kushte atmosferike do të na shoqërojnë edhe ditën e nesërme, ndërsa dha lajmin e mirë, ndërsa tha se fundjava pritet të sjellë një rënie temperaturash me 4 gradë.

Në një intervistë në emisionin “Rreze Dielli” ishim me nutricionisten Hyrida Basha e cila dha disa këshilla shumë të vlefshme për të kaluar sa më lehtë dhe mirë dehidratimin nga periudha e nxehtë në të cilën ndodhemi.  

Topollaj tha se do të kishte preferuar që Gjykata Kushtetuese të kishte marrë një vendim, pasi është i vetmi organ që gjykon mbi kushtetutshmërinë, sepse Komisioni i Venecias jep rekomandime, të cilat sipas tij i ka dhënë edhe më parë. Topollaj kujton rastin kur Kuvendi në 2019 nisi procedurat për shkarkimin e presidentit pasi anuloi dekretin e zgjedhjeve të 30 qershorit, dhe ju drejtua Komisioni të Venecias. Sipas Topollajt Komisioni i Venecias është shprehur për dekretin, pasi tha se Presidenti i Republikës ka tejkaluar kompetencat me shtyrjen e zgjedhjeve vendore.

Deputetja Rudina Hajdari thotë se nuk ndihet aspak e keq ardhur për faktin se nuk u zgjodh deputete nga zgjedhjet e 25 prillit. Në një intervistë për Report Tv, Hajdari argumenton se kjo lidhet me faktin e betejës së fortë që ka zhvilluar në Kuvend, pasi opozita dogji mandatet, duke nënvizuar se ata duhet t'i zhvillonin betejat në Kuvend. Ky vendim sipas saj, kishe edhe kostot e veta politike

Në një intervistë në emisonin “Rreze Dielli” në Report Tv Sabina Sherifi blogerja që herë pas here sjell receta të thjeshta dhe të shpejta për të gjitha amvisat tregoi sot se si mund të realizojmë qumështin e tërshërës vetënë shtëpi.

Në një intervistë në emisionin ‘’Rreze Dielli” ishim me astrologen Laura Lorofili e cila tregoi më tepër për çiftet e horoskopit dhe romancat e tyre.

Ministrat e jashtëm të BE nuk vendosën një datë për çeljen e konferencës së parë ndërqeveritare për Shqipërinë dhe Maqedoninë e Veriut. Këtë herë pengesë u bë Maqedonia e Veriut pas vetos që i vendosi Bullgaria. Për Teuta Vodon, sekretaren për Marrëdhëniet me Jashtë e PS, vendimi i sotëm nga ministrat e jashtëm të BE ishte një lajm që pritej. Teuta Vodo e ftuar në ‘Repolitix’ u shpreh se Shqipëria i kishte plotësuar të gjitha detyrat e saj që i janë kërkuar nga BE.