Kosova & Rajoni

Në punët e brendshme të Malit të Zi, përmes Kishës Ortodokse Serbe, “ka ndërhyrë një politikë që dukej se ishte ndalur në rajonin tonë. Por, disa po e rikthejnë atë. Po e rikthejnë përmes mesazhit të ‘botës serbe’”, thotë në një intervistë për Shërbimin e Ballkanit të Radios Evropa e Lirë Stjepan Mesiç, ish-president i Kroacisë.

Për të tretën ditë radhazi pikat kufitare mes Serbisë dhe Kosovës  në Jarinjë dhe në Bërnjak vijojnë të jenë të bllokuara. Protestuesit serbë vazhdojnë të protestëjnë pas vendimit të Qeverisë së Kosovës për reciprocitetin e targave, që nuk i njeh më targat e Serbisë në Kosovë, asht sikurse në Serbi nuk njihen targat e Kosovës.

Shaip Kamberi, deputeti shqiptar në Serbi e ka quajtur të drejtë vendimin e Kosovës për të mos lejuar automjetet me targa serbe në territorin e saj. Duke folur për 'Report Tv', Kamberi tha se presidenti Aleksandër Vuçiç nuk po zbaton marrëveshjet e nënshkruara mes dy vendeve në Bruksel. Ndërsa i bëri thirrje Uashingtonit zyrtar që të ndërhyjë për t'i ulur palët në bisedime, pasi BE nuk e ka fuqinë që ta detyrojë Serbinë të respektojë marrëveshjet. 

Në 24 orët e fundit, 7 qytetarë kanë ndërruar jetë si pasojë e COVID-19 në Kosovë, ku 3 prej tyre ishin femra dhe  4 meshkuj. Ndërkohë, si rezultat i 5.095 testeve të kryera, 173 persona kanë rezultuar pozitivë me koronavirusin.

Nisma “Put Kosovo on Apple Maps” ,duket se më në fund ka dhënë rezultatet e pritura, pasi me sistemin e ri operues territori i Kosovës paraqitet në hartë.

Mëngjesi i së martës e ka gjetur të bllokuar rrugën në pikën kufitare në Jarinjë , me forcat e policisë së Kosovës të cilat kanë qëndruar në gatishmëri gjatë gjithë natës pas protestave lidhur me vendimin e Qeverisë së Kosovës, për masë reciprociteti për targat e veturave të regjistruara në Serbi, që hyjnë në Kosovë.