Kronikë

Katër anije të NATO-s kanë mbërritur mëngjesin e sotëm në Portin e Durrësit. Anijet kishin ndërmarrë një operacion kërkim-çminimi në Porto Romano me kërkesë të autoriteteve shqiptare për punimet që po bëhen në Porto Romano. Anijet do të qëndrojnë disa ditë në portin e Durrësit.

Administratori dhe drejtuesi teknik i një miniere në Tropojë janë arrestuar pasi mbanin 276 kg lëndë plasëse jashtë kushteve të sigurisë. Ata janë identifikuar si Xhuljan Krypi dhe Dhimitër Palla.

Një automjet është djegur në Elbasan gjatë orëve të para të mëngjesit. Si pasojë e zjarrit janë dëmtuar edhe dy makina të parkuara.  Ngjarja është regjistruar në orën 03:00 në lagjen ‘5 Maji’ dhe dyshohet se zjarrëvënia ka qenë e qëllimshme. Mjeti tip ‘Benz’ që është djegur rezulton në pronësi të Dritan Turanit.

Një turist austriak është shpëtuar nga policia mbrëmjen e sotme në malin e fshatit Kurcaj të Krujës ku kishte mbetur i bllokuar.

Një automjet i transportit publik ka ngecur këtë të enjte në mes të urës që përdoret nga banorët e dy fshatrave, Dom e Zall Rripë në Njësinë Administrative Gurrë në Bashkinë e Klosit.

Gjyqtarja e Apelit në Durrës Anita Mici është larguar përfundimisht nga sistemi i drejtësisë. Kolegji i Posaçëm i Apelimit (KPA) ka vendosur ditën e sotme shkarkimin e saj nga detyra, ndonëse Komisioni i Pavarur i Kualifikimit (KPK) e kishte lënë në detyrë. Vendimi është marrë ditën e sotme nga trupa Gjykuese e kryesuar nga Sokol Çomo dhe ka efekt të menjëhershëm.

Është arrestuar në Abu Dhabi të Emirateve të Bashkuara, Amar (Dritan) Shkëmbi i shumëkërkuar nga autoritete shqiptare si anëtar i një grupi kriminal. Operaconi është zhvilluar nëpërmjet një bashkëpunimi mes SPAK dhe Interpol Abu Dhabi në koordinim me qendrën e Interpolit në Francë.

Nga

Elvis Hila

Fshatrat e zonës së Zadrimës në Lezhë të braktisur përfundimisht nga të rinjtë, janë vënë nën shënjestrën e hajdutëve që herë pas herë sulmojnë dhe plaçkitin shtëpitë pa pronarë. Banorët e moshuar të mbetur vetëm kërkojnë me shumë prezencë të policisë.

Janë lënë në burg gjashtë inspektorët e policisë së Pikës Kufitare të Portit të Durrësit, të cilët u arrestuan për korrupsion dhe shpërdorim detyre pasi merrnin 5-100 € për të lejuar kalimin në BE të qytetarëve që u ndalohej hyrja në zonën schengen.

Dy vëllezër binjakë janë vënë në pranga të policisë së Krujës, pasi shpërndanin lëndë narkotike në afërsi të shkollave. Ndërsa në banesë iu sekuestrua 1 armë zjarri automatik, 1 armë zjarri pushkë, 2 krehra automaktiku, municion luftarak dhe 1 bajonetë; 

Arben Spahiu dhe Arsen Preçi kanë mbërritur në gjykatën e Elbasanit nën masa të rrepta sigurie. Ata do të njihen me masën e sigurisë pasi akuzohen se kanë marrë urdhër nga Erion Alibej për të vrarë 'Otin e Elbasanit', atentat që dështoi pasi u zbulua BMW X6 me 3 kallashnikovë brenda.

Policia e Tiranës ka venë në pranga nëntë perona për veprime të ndryshme penale  pasi dyshohen për dhunë në familje, ndërtim pa leje dhe përshtatjen e biznesit për lojër afati, si dhe drejtim mjeti në gjendje të dehur. 

Tre vajza janë arrestuar nga policia e Tiranës pasi ishin të punëuar në një qendër masazhi që shfrytëzohej për prostitucion

Nga

Mimoza Sinanaj

Firma e cila ka marrë tenderin ka shkelur kontratën duke bërë punime në zonën mbrojtur. Megjithëse duhet të pezullonte punimet pasi firma nuk ka rinovuar lejen. Serish  rezulton që kjo firmë vijon punimet çdo ditë në këtë zonë. Banorët të irrituar kanë nisur protestën duke shkuar në vendburimin aty ku firma "Salillari" po kryen punimet