Kronikë

Ekzekutohet biznesmeni i ndërtimit,  Niko Goro, 51 vjeç, djali i xhaxhait të kryebashkiakut, Jorgo Goro në shëtitoren e qytetit. Mes Niko Goros dhe autorit Kliti Leka kishte një marëveshje për ndërtimin e një pallati. Leka vuri në dispozicion tokën për të marrë apartamente. Gjatë momentit të vrasjes u filmua nga kamerat, ka vepruar i vetëm. 

Banorët e lagjes "5 shkurti" janë terrorizuar pasditen e djeshme nga një 63-vjeçar, i cili ka qëlluar me armë zjarri në ajër. Bëhet fjalë për 63-vjeçarin Dashamir Kullorja, i cili është arrestuar nga policia.  Ndërkohë, edhe në Divjakë ka rënë në pranga një 25-vjeçari Jurgen Rroshi për armëmbajtje pa leje.

Alternime kthjellimesh dhe vranësirash të herë pas-hershme mbizotërojnë motin në vend duke sjellë shira të pakët në Veri dhe pjesërisht në zonat Qendrore ndërsa jugu i vendit mbetet me kthjellime. Parashikohet që pasditja dhe mbrëmja të dominohen nga kthjellime.

Gazetarja Serbeze Haxhiaj në një lidhje skype nga Prishtina tha se rastet ditore në Kosovës janë dyfishuar dhe për këtë fajin e ka jo vetëm neglizhenca qytetare por edhe qeveria që e trajtoi këtë çështje si një gjë sekondare fillimisht dhe se vonoi në vendosjen e gjobave. Edhe mjekja Aurora Dollenberg, e cila tha se edhe në Gjermani vendosja maskës me detyrim u bë që nga fillimi i kësaj jave.

Mjeku Andi Koraqi ishte i ftuar në emisionin Pa Protokoll në Report Tv ku foli për situatën me koronavirusin në Shqipëri. Ai tha se sistemi ynë shëndetësor ka kapacitete të duhura për të përballuar epideminë. Sipas tij, spitalet kanë rrezikshmëri të ulët për transmetimin e virusit. Gjithashtu bën me dije se testimet do vijojnë të rriten.

Një efektiv policie i Shkodrës, Hydajet Nehani ka ndërruar jetë si pasojë e COVID-19. Ai ishte infektuar 2 javë më parë, por për shkak se kishte nevojë për mjekim të specializuar ishte dërguar në Turqi për mjekim.

Një 40-vjeçar në Elbasan është zhdukur këtë të premte (16 tetor).

Nga

Adriatik Doci

Kolegji i Posaçëm i Apelit nis shqyrtimin e kërkesës së Arjana Fullanit, ish-anëtarja e Gjykatës së Lartë kërkon të rrëzojë përjashtimin me 15 vite nga drejtësia pasi dha dorëheqjen për t’i shpëtuar Vetingut. Fullani mund të qëndronte në Gjykatën e Lartë ose të shërbente në Apel, por nuk pranoi.

Aksident në aksin Elbasan-Peqin. Makina përplas për vdekje një 64-vjeçare. Arrestohet drejtuesi i mjetit.

Nga

Elton Qyno

I dënuari me burgim të përjetshëm, kërkon të punësohet si kujdestar bibliotekë në burgun e Peqinit. Kërkesa paraqitet në gjykatë.

Hetimi i krimit financiar ka shënuar ulje në qarkun e Korçës sipas raporteve të fundit dhe kjo ka sjellë dhe reagimin e ashpër të kryeprokurorit Olsian Çela, i cili u kërkoi prokuroreve që të shfrytëzonin çdo burim informacioni që lidhet me asetet kriminale, duke theksuar se nuk duhen neglizhuar as lajmet apo denoncimet që bëhen në media.