Kronikë

Mbrëmjen e djeshme është arrestuar në zonën e ish-Bllokut një 31-vjecar nga Lezha, për trafikim lënde narkotike në Itali. Ky fakt u bë i ditur sontë në emisionin Repolitix nga gazetari investigativ Artan Hoxha. 

Gazetari Artan Hoxha e Ferdinand Dervishi, drejtori i Akademisë së Sigurisë e eksperti për Cështjet e Sigurisë kanë qenë të ftuar sot në emisionin Repolitix, për të diskutuar dhe hedhur dritë mbi faktin nëse ekziston në të vërtetë në Shqipëri një mafia, sikurse pretendohet nga mediat e huaja, apo jo. Ata u shprehën se në të vërtetë ekzistojnë vetëm grupe të strukturuara kriminale, e megjithatë, Dervishi theksoi se pavarësisht kësaj në vend ka funksionuar prej 27 vitesh një skemë mafioze të përkrahur nga politika.

25 vjeçari kishte rënë nga një lartësi rreth 100 m në malin e fshatit Shkembaj. U transportua drejt Spitalit të Traumës nga Shërbimi i Urgjencës Mjekësorë, ku është dhe jashtë rrezikut për jetën.

Nga

Redaksia

Shtëpia e ish-oficerit të vrarë të policisë, Arben Bilali, është një ndërtesë tre katëshe e pozicionuar pranë rrugës e ajo që tërheq më tepër vëmendje është prania e një kamere në katin e parë të saj. Kjo konfirmon deri diku edhe faktin se Arben Bilali ruhej nga atentatet, sikurse të llojit që i mori jetën ditën e sotme.

Përmes dy hetimeve në Prokurorinë e Krimeve të Rënda, dhjetra përgjime dhe dokumente të siguruara nga BIRN hedhin dritë mbi përfshirjen e krimit të organizuar në episode të blerjes së votave në Durrës, Kavajë, Lezhë dhe Dibër, në një moment që Shqipëria po shkon drejt një procesi të ri zgjedhor.

Një veprim të mençur e konsideron Presidenit i Republikës Ilir Meta, veprimin e udhëheqësve politikë shqiptar në Mal të Zi  për arritjen e një marrëveshjeje për koalicion të përbashkët parazgjedhor për zgjedhjet lokale në Komunën e Tuzit.

Policia e Durrësit ka arrestuar këtë të mërkurë një person me iniciale E.A, pasi qëlloi me armë zjarri, automatik mbrëmjën e djeshme në Hamallaj duke terrorizuar dhe vënë në rrezik jetën e banorëve përreth.

Janë më shumë se 5 mijë banorë të lagjes nr 3 në Fermë të Cërrikut të cilët prej kohësh janë lënë në harresë nga ana e bashkisë. Në hyrje të kësaj lagje është vendosur një tabelë ku do të rehabilitohej kjo lagje, ndërsa afati i punimeve ishte 60 ditë. Kanë kaluar më shumë se 3 muaj dhe nuk është parë asnjë punëtor i cili punonte për të shtruar rrugët në këtë zonë.

Në vijim të takimeve me qytetarët, para protestës së 16 shkurtit kreu i opozitës Lulzim Basha është ndalur të mërkurën në Kamëz i shoqëruar nga Xhelal Mziu, kreu i Bashkisë. Një nga banoret i ka shprehur hallin e saj për marrjen e pensionit, për burrin e sëmurë ndërsa ka treguar që një nga zyrat ku ka kërkuar ndihmë ka qenë edhe ajo Bashkisë së Kamzës, por asnjëherë nuk është pritur, për t'í dhënë një zgjidhje.

Atentatet ndaj familjes Bilali datojnë që në 1997 ku u vra Bujar Bilali në Tiranë. Në maj të vitit 2010, tentohet të vritet Arben Bilali. Ndërsa disa muaj më pas ekzekutohet vëllai i tij Leonard Bilali i sapo kthyer nga Italia. 9 vite më vonë, krimi godet sërish familjen Bilali duke ekzekutuar në atentat pranë banesës, Arben Bilalin, ish-oficer policie. 

Një sasi prej 10 kg heroinë është sekuestruar këtë të mërkurë, në zonë e Saukut në Tiranë ku mësohet se policia ka arrestuar 5 persona.

Tre vëllezër të familjes Bilali në Tiranë janë ekzekutuar në atentate me armë zjarri nga viti 1997. Pas dy vëllezërve Bujar dhe Leonard Bilali në 1997 dhe 2010, sot u vra në zonën e Selitës, Arben Bilali, 50-vjeç, ish-oficer policie. Familja Bilali ka qenë në konflikt me atë Xhabafti dhe ngjarja dyshohet për hakmarrje. Tre dyshohet se kanë qenë autorët të maskuar. Arben Bilali i kishte shpëtuar një atentati në 2010. Disa muaj më pas, në gusht 2010 i kanë ekzekutuar vëllanë e vogël, Leonard Bilali ish-mundës i Dinamos. Ndërsa në 1997 në një përplasje me armë zjarri është vrarë vëllai tjetër, Bujar Bilali.