Politikë

Nga

Danjela Maloku

Për Kryesinë e Partisë Demokratike vendimi i 7 qershorit për hapjen e garës për kryetarin e ri është i mjaftueshëm dhe nuk është e nevojshme një mbledhje e Këshillit Kombëtar. Gazment Bardhi kërkon mbledhjen e këtij forumi, që sipas statutit duhet të vendosë për procesin, por edhe ngritjen e komisionit zgjedhor.

Kriza PD-së vijon të jetë ende e tensionuar. Në një intervistë në ‘Kontrast’, deputeti i Rithemelimit Tritan Shehu nuk e sheh krizën brenda partisë por në situatën aktuale në vend.

Anëtari i Këshillit Kombëtar të PD, Ibsen Elezi thotë se tentativa që bën Lulzim Basha për t’u kthyer në politikën aktive nuk është institucionale se nuk kanë struktura. Në një intervistë për Report Tv në ‘Sot Live në Shqipëri’ me gazetarin Nertil Agalliu, Elezi tha se ka pasur shumë thyerje rregullash.

Kreu i Partisë së Lirisë, Ilir Meta ka komnetuar reformën e rritjes së pagave nga qeveria. Në nëj dalje për mediat, Meta tha se kjo rritje pagash kishte efekt elektoral dhe se sipas tij është një rritje selektive.

8 anëtarë të Krysisë së PD kanë kërkuar që t'i zgjatet mandati krerëve të degëve dhe të plotësohen vakancat. Gazment Bardhi i është përgjigjur këtij vendimi duke thënë se një grup po kërkon të marrë kompetencat e Sekretarit të Përgjithshëm.

Sali Berisha vijon të pretendojë se në zgjedhjet e 14 majit janë kryer shkelje. Sot shfaqi me video akuzat e ripërsëritura se në bashkinë e Elbasanit, qytetarët sipas tij nuk votuan të lirë. Sipas tij, është kryer batërdi elektorale që është jashtë të gjitha sanrdardeve.

Dhimbjen për ndarjen nga jeta të Silvio Berlusconit, i njohur ndryshe si ‘Kavalieri’ e kanë shprehur edhe politika shqiptare. Rama e Begaj e kanë quajtur ‘mik të shqiptarëve’.

Në Komisionin e Jashtëm u  prezantuan katër nga 12 kandidatët për ambasadorë të tinj të propozuar nga qeveria. Deputetët u njohën me platformat e Blerta Kadzadej  për Turqinë, Ilir Gjonin për në NATO, Ridi Kurtezi për ambasadën tonë në Emiratet Arabe dhe Mustafa Nano për në Zvicër.

Presidenti Bajram Begaj thërret nesër mbledhjen e Këshillit të Sigurimit Kombëtar me temë “Gjendja e sigurisë kibernetike dhe masat e marra për forcimin e mbrojtjes kibernetike në Republikën e Shqipërisë” 

Një sërë kërkesash për bashkinë Kuçovë do të shqyrtohen sot nga KAS (Komisioni i Ankimimeve dhe Sanksioneve) në mbledhjen e parashikuar për t’u zhvilluar në orën 13:30.  Kërkesa e depozituar nga koalicioni ‘Bashkë Fitojmë’ dhe kandidati Lefter Maliqi përfshin rinumërim të votave dhe pavlefshmërinë e vendimit për shtyrjen e numërimit të votës, nga ora 11:00 deri në 12:30.