Politikë

Për kryeministrin Edi Rama, reagimet ndërkombëtare për protestat që po zhvillohen kundër investimit në Zvërnec, nuk kanë asnjë lidhje me Shqipërinë, por sipas tij, janë pjesë e një lufte që nuk i takon vendit tonë. Nëse zogjtë dhe natyra do të ishin shkaku i vërtetë i reagimeve, sipas Ramës, senatorët amerikanë do kishin reaguar më parë edhe për 'Rrjollin'.

Në 35 vjetorin e Partisë Socialiste nuk ka munguar edhe urimi i kryebashkiakut në detyrë të Tiranës, Erion Veliaj, i cili përmes një postimi në rrjete sociale i dërgon urime të gjithë familjes socialiste

Nga dita e 13-të e protestës u bënë thirrje edhe ndaj socialistëve, për t’iu bashkuar kauzës së tyre, duke qenë se të majtët u gjendën fizikisht shumë pranë tyre, në festën e PS-së. Megjithatë, persona të ndryshëm nga turma, i linçuan disa qytetarë si patronazhistë dhe i ndoqën me vrap për t’i larguar nga sheshi pranë kryeministrisë. Pas fjalimeve, qytetarët marshuan nëpër rrugët e Tiranës.

Shqipëria nuk ka qenë kurrë në shitje, por një amanet i shenjtë tha kryeministri Edi Rama në 35 vjetorin e PS, nga ku ju përgjigj edhe një herë protestave kundër projektit të Zvërnecit. Ai i ftoi protestuesit të ulen e të flasin për të verifikuar faktet, por tha se nuk negocion vizionin për Shqipërinë.

Shoqëria civile refuzon të marrë pjesë në konsultimet publike, duke akuzuar qeverinë se po krijon një normalitet të rremë ndërsa avancojnë projektet në zonat e mbrojtura.

Duke e cilësuar aksionin e sotëm të SPAK si një akt të paralajmëruar më herët nga opozita, kreu u Grupit të PD, Gazment Bardhi ka kërkuar nga SPAK hetimin e kryeministrit Edi Rama dhe zyrtarëve të lartë të qeverisë, si të përfshirë në afera me trafikantë droge dhe pastrim parash.