Politikë

Sali Berisha nuk ka asnjë kritikë për Belind Këlliçin, i cili nxori gishtin e mesit me argumentin për të goditur korrupsionin por mori shumë reagime. Vetë Berisha që e zgjodhi që të kandidojë për Bashkinë Tiranë thotë se të gjithë të korruptuarit meritojnë shumë më tepër se aq.

Kryetari i komanduar i PD, Enkelejd Alibeaj ka dhënë mesazhin e tij nga Këlcyra duke thënë se demokratët duhet të reflektojnë duke nisur nga vetja. Edhe këtë herë, ka thënë se PD ka qenë nën sulm nga Sali Berisha bashkë me PS që duan ta asgjësojnë. Ai u ka prezantuar demokratëve kandidatin e PD-së për bashkinë Këlcyrë, Adriatik Spahiun.

Ministri i Jashtëm rus, Sergey Lavrov, sërish ka zënë në gojë Kosovën gjatë diskutimeve për Ukrainën në Këshillin e Sigurisë së Kombeve të Bashkuara. Mirëpo i njëjti ka marrë përgjigje nga ambasadori i Shqipërisë në këtë institucion, Ferit Hoxha, që i ka thënë zyrtarit rus se Kosova i është bërë obsesion.

Analisti i njohur Erl Murati ka komentuar këtë të mërkurë, posterin jo etik të nxjerrë nga kandidati i çiftit Berisha-Meta në Tiranë, Këlliçi. I ftuar në “Sot Live në Shqipëri” me gazetarin e Report Tv, Nertil Agalliu, Murati analizoi fillimisht situatën e fushatës, e më pas përfaqësimin e Këlliçit përpara kryeqytetasve.

Biznesmeni i njohur Gjergj Luca, ka ironizuar posterin me gishtat e mesit të Belind Këlliçit. Me përfaqësuesit e kompanisë së tij në panairin ndërkombëtar të mjeteve të punës dhe teknologjisë së avancuar në Barcelonë thotë se ka nga ata që i shohin me inat dhe i nxjerrin gishtin e mesit ndërsa ata i nxjerrin grushtin e punës.

Pagat e punonjësve të Gardës së Republikës dhe Policisë së Shtetit u rritën me 7% ndërsa rritja pritet të vijojë në 21-35% në vitin 2024. Kryeministri Edi Rama ka publikuar videon e një efektiveje e cila tregon vështirësitë e punës dhe shprehet se e mirëpritën vendimin për rritjen e pagave.

Kandidati i PS-së për Tiranën, Erion Veliaj, gjatë takimit me banorët e Njësisë 7 në kryeqytet, tha se është turp të jesh detergjenti për të larë fytyrën që nuk mund të lahet e Sali Berishës dhe Ilir Metës. Sipas Veliajt, mos pasja e diplomës së shkollës së mesme për një nga kandidatët është e rëndë, por më e rëndë është të shërbesh si sapun për Berishën dhe Metën.

Drejtori i INFOCIP, Gerti Shella ka komentuar posterin e kandidati të çiftit Berisha-Meta për Tiranën, Belind Këlliçit. Shello shkruan se kushdo që ka qëndruar pas fushatës së Këlliçit e ka bërë viktimë.