Politikë

Banorët e Dukagjinit u ngritën dy ditë më parë në një protestë për herë të dytë brenda pak ditëve për të kërkuar ndërtimin e rrugës që lidh Shkodrën me njësitë vendore Pult, Shosh dhe Shalë të kësaj krahine.

Komisioni i Ankimimeve dhe Sanksioneve ka rrëzuar ankimimin e Lëvizjes Bashkë për regjistrimin në zgjedhjet vendore 2023. Në mbledhjen e zhvilluar ditën e sotme, palët paraqitën argumentet e tyre, por KAS vendosi të rrëzojë ankimimin.

Në një vendim përfundimtar, kryekomisioneri Ilirjan Celibashi rrëzoi kërkesën e PD-së për t'u regjistruar në zgjedhjet e 14 majit me Enkelejd Alibeajn të komanduar kryetar. Shkak u bë mungesa e firmës së Lulzim Bashës, ndërsa përfaqësuesi ligjor i grupit Alibeaj paralajmëroi se vendimi do ankimohet. Gjithashtu, Celibashi vendosi përfundimisht edhe mos legjitimimin e Sali Berishës. 

Situata e PD dhe regjistrimi në zgjedhjet vendore të 14 majit ishte në çështja që u diskutua në Report Tv në studion e ‘5 pyetjet’ me gazetarin Ilir Babaramo.

Parlamenti Evropian ka publikuar një projekt-rezolutë për Shqipërinë sa i takon politikave të ndërmarra në vitet e fundit. Në projekt-rezolutën e prezantuar nga raportuesja e PE-së për Shqipërinë, Isabel Santos, vlerësohet progresi i vendit tonë në luftën kundër korrupsionit dhe krimit të organizuar, gjithashtu edhe në reformën në drejtësi.

Anulimi i seancës plenare që ishte parashikuar të mbahej sot, ka sjellë një reagim të deputetëve të Rithemelimit. Përmes një shkrese drejtuar kryeparlamentares Lindita Nikolla, deputetët e Berishës e konsiderojnë një shkelje të rëndë të rregullores së Kuvendit anulimin e seancës plenare.

Ish kryeministri, Sali Berisha nga Belshi ka folur edhe për largimin e Artan Lames nga posti i kreut të Agjensisë Shtetërore të Kadastrës, duke thënë se ky i fundit, nuk kishte firmosur për marrëveshjen e Portit të Durrësit, të cilën kreu i Rithemelimit e konsideron vjedhje të tmerrshme.

Ilirjan Celibashi pritet të vendosë nesër nëse do ta regjistrojë Partinë Demokratike në zgjedhjet e ardhshme duke pranuar apo jo kërkesën e grupit të Alibeajt, edhe pse këta të fundit nuk e kanë sjellë letrën me firmën e Lulzim Bashës. Për deputetin demokrat Lefter Gështenja do të ishte çmenduri nëse PD nuk do të regjistrohej. I ftuar në ‘Studio Live’ në Report Tv të gazetarit Arbër Hitaj ai akuzoi Celibashin se po bën politikë.

Kryetari i Partisë së Lirisë, Ilir Meta ka mbajtur një takim për të prezantuar kandidatët e këshillit bashkiak në Fier dhe Lushnjë.

Luftën që po zhvillohet tashmë në Komisionin Qendror të Zgjedhjeve (KQZ) dhe Komisionin e Ankimimeve dhe Sanksioneve (KAS), deputeti Tritan Shehu e ka konsideruar si një lojë dhe si një teatër duke u shprehur i bindur se do i japin të drejtë Enkelejd Alibeajt.

Në një intervistë për Report Tv, kreu i Bashkisë së Elbasanit, Gledian LLatja tha se në qytet do të ketë shumë organizime, në kuadër të kësaj dite që është simbol për qytetin. Ndryshe nga vitet e tjera, fokusi është vendosur te mbajtja gjallë e traditës.

Këshilli i Ministrave ka miratuar një ndryshim në ligjin për nxitjen e punësimit. Kjo VKM e miratuar ditën e sotme detyron të gjitha bizneset private që të punësojnë persona me aftësi të kufizuar.