Politikë

Kryeministri Edi Rama ka ndarë momente nga takimi me Papa Leone XIV, ku e shoqëronin gjithashtu bashkëshortja Linda dhe djali Zaho. Takimi u zhvillua në Pallatin Apostolik në Vatikan.

Mbështetësi ia bëri të qartë se fjalimet me akuzat e përhershme janë bërë të lodhshme dhe kanë nevojë vetëm për shpresë.

Në foltoren e tij në degën 7 në kryeqytet, Sali Berisha është frymëzuar nga adhuruesit e tij për protestën e 10 shkurtit. Një prej militantëve ka zbuluar skenarin e tij për protestën e radhës, i cili u mirëprit me duartrokitje.

Në seancën e 1 shkurtit ku u shqyrtua kërkesa e Veliajt për zëvendësim të masës së sigurisë, prokurori Ols Dado flet për “lobim amerikan” duke iu referuar avokatit nga SHBA të kontraktuar nga kryebashkiaku. Dado thotë se Veliaj synon deligjitimimin e organeve që po gjykojnë çështjen.

Në fokus të diskutimeve ishte forcimi i mëtejshëm i partneritetit strategjik mes Shqipërisë dhe Shteteve të Bashkuara të Amerikës. Xhixho ngriti shqetësime për ndikimin e krimit të organizuar dhe karteleve të drogës në vend, duke theksuar rëndësinë e rolit të SHBA-ve në mbështetje të luftës ndaj tyre.

Kryetari i Kuvendit të Republikës së Shqipërisë, Niko Peleshi, mori pjesë në Mëngjesin e Lutjeve në SHBA, duke theksuar rëndësinë e forcimit të marrëdhënieve të fqinjësisë, partneritetit dhe bashkëpunimit midis institucioneve parlamentare të Shqipërisë dhe Shteteve të Bashkuara të Amerikës. Pjesëmarrja e tij në këtë ngjarje ndërkombëtare vlerësohet si një kontribut në thellimin e dialogut dhe bashkëpunimit me partnerët strategjikë.

Nisur nga disa lajme në mediat e Kosovës, ku një përfaqësuese e Gjykatës Speciale i ka bërë gjyqin luftës së UÇK-së në shkollat e Kosovës, Petro Koçi ka reaguar ashpër, duke kërkuar shpalljen non grata nga Prishtina të personit përgjegjës.

Presidenti Begaj do të niset sot për një vizitë dy-ditore në Itali, ku do të marrë pjesë krahas udhëheqësve botërorë në pritjen dhe ceremoninë zyrtare të hapjes së Lojërave Olimpike Dimërore.

Elisa Spiropali ka takuar në SHBA kongresmenin Keith Self, iniciues i “Projektligjit për Vlerësimin e Diskriminimit në Luginën e Preshevës". Gjatë takimit Spiropali theksoi se Shqipëria mbetet e përkushtuar për mbrojtjen e të drejtave të shqiptarëve kudo që ata ndodhen.

Ministri Blendi Gonxhja u bë pjesëmarrës së bashku me Ettore Bonanno, në podcast-in “Pop Arbëresh”. Ai preku tema të rëndësishme të kulturës dhe trashëgimisë kombëtare siç është dosja e “Motit të Madh” në UNESCO, apo dhe Muzeu Arbëresh.

Analisti Albatros Rexhaj thotë se gjuha dhe kauzat e ngritura nga Sali Berisha po krijojnë kosto për Shqipërinë edhe në arenën ndërkombëtare.

Nga

Esiona Konomi

Në Gjykatën Kushtetuese, ku sot u shqyrtua padia për mbylljen e rrjetit 1 vit më parë, përfaqësuesi i kryeministrisë konfirmoi se palët kanë dialoguar për vendosjen e disa filtrave, mes të cilave edhe disa shprehje problematike në gjuhën shqipe, detaje të cilat do të shpallen gjatë këtij muaji.

'Diella', ministrja e parë e bazuar në inteligjencë artificiale, u vlerësua me çmimin e parë në World Governments Summit në Dubai. Kryeministri Edi Rama thotë se 'Diella' pasqyron vizionin e Shqipërisë për një model të ri qeverisjeje.

Gjatë një interviste me emisionin Sot Live në Shqipëri në Report TV Rexhaj theksoi se gjyqësori nuk mund të marrë vendime që prekin drejtpërdrejt arkën e shtetit, sidomos kur bëhet fjalë për përfitime për veten.

Ministrja për Europën dhe Punët e Jashtme, Elisa Spiropali, pati disa takime të rëndësishme në senatin amerikan duke u takuar me senatorët Elissa Slotkin, Gary Peters dhe Steve Daines. me të cilët diskutoi për çështjet e sigurisë si dhe bashkëpunimin ekonomik dhe politik mes dy vendeve

Sekretarja për Rininë në Partinë e Lirisë, Anisa Ibraj, kërkoi politika urgjente për mbajtjen dhe rikthimin e të rinjve, mbështetje reale për punësimin dhe sipërmarrjen rinore, luftë ndaj korrupsionit dhe përgjegjësi politike për situatën aktuale.

Nga

Esiona Konomi

Zyra e OSBE-së në Tiranë i kujton edhe një herë parlamentit se duhet të punojë për reformën zgjedhore. Ambasadori Michel Tarran tha se ligji elektoral ka probleme dhe partitë e dinë mirë, por se duhet të gjejnë vullnetin për tu ulur bashkë.