Politikë

Ka nisur zbatimi i vendimit të qeverisë për konfiskimin e ndërtimeve pa leje! Qeveria ka sekuestruar një pallat pa leje në zonën e Liqenit të Thatë në pronësi të biznesmenit Julian Morina. Investitori mund t’i shpëtojë nisjes së hetimit nëse e blen pronën me çmim tregu ose nëse ia dhuron shtetit, në të dyja rastet duke paguar edhe një gjobë. Në të kundërt subjekti i konfiskohet.

NATO ka shprehur mbështetjen për Shqipërinë pas sulmit kibernetik që urdhëroi Irani duke thënë se do të shtojnë mbrojtjen. Në një reagim publik, thotë se ishte sulm keqdashës ndaj Aleancës pasi kërkonte të cënonte sigurinë.

Deputetja e PD, Grida Duma, thotë se me çmimin e re të energjisë shqiptarët që më parë kanë paguar mbi 6100 lekë tashmë do të pagujnë 4.4 herë më shumë. Ndërkohë që i është përgjigjur menjëherë Kryeministri Rama.

Kryetari i grupit parlamentar në Partinë Socialiste, Taulant Balla në fjalën e tij në Kuvend u ndal tek shkëputja e marrëdhënieve diplomatike me shtetin e Iranit, pas sulmit kibernetik ndaj portaleve qeveritare. Balla shtoi se nuk është çudi nëse Berisha do shpallet 'non grata' edhe nga BE.

Më 13 shtator, Partia e Lirisë ka thirrur protestë para inceneratorit të Tiranës. Përveç deputetëve që mbështesin Ilir Metën, të pranishëm do të jenë edhe deputetët demokratë. Në fjalën e tyre para Kuvendit, deputetët e PD janë të ndarë në vendimin nëse do të jenë pjesë e protestës.

Kryetari i Partisë së Lirisë Ilir Meta akuzoi sot Qeverinë shqiptare se nuk e ka prioritet arsimin e as të rinjtë, meqenëse edhe pse buxheti i arsimit është më i ulëti në rajon, është i pari që preket nga qeveria në raste emergjence.