Politikë

Partia Demokratike kallëzon në SPAK gjyqtarin Agron Zhukri për shpërdorim detyre, i cili njohu ditën e sotme statutin e Berishës të Kuvendit të 11 dhjetorit duke zhbërë atë të Bashës të 17 korrikut që ishte regjistruar pak ditë më herët.

Përfaqësuesi Ligjor i Komisionit të Rithemelimit, Ledio Nuraj thotë në Report Tv se vendimi i Gjykatës së Tiranës që regjistroi ndryshimet e Kuvendit të 11 dhjetorit nuk mund të apelohet, ndonëse Enkeljed Alibeaj deklaroi se do të ndërmarrin një veprim të tillë.

Ish-ministri demokrat, Arben Imami, tha në emisionin ‘Kontrast’ se SHBA nuk mund të ndërhyjë në çështjet e brendshme të partive politike në vendet e NATO-s. Ish-deputeti shtoi se gjithçka po ndodh këto orë në PD vërteton edhe një herë se Basha ka qenë një ‘kolonë e pestë’ brenda demokratëve.

Mbledhja nisi rreth orës 08:00 dhe zgjati më pak se 60 minuta. Ishte Sali Berisha ai që drejtoi këtë mbledhje, ndërsa pjesëmarrës ishin të gjithë anëtarët e Komisionit të Rithemelimit. Mbledhja ishte më së shumti simbolike pas vendimit të Gjykatës, ndërsa në përfundim Berisha dha një deklaratë të shkurtër për mediat. Ai tha se PD është në një proces vendimmarrje në të gjitha nivelet dhe se sot u morën vendime mbi organizimin.

Më 11 dhjetorin e vitit të kaluar në 31-vjetorin e themelimit të Partisë Demokratike, Sali Berisha mblodhi 3935 delegatë të Kuvendit të PD dhe disa mijëra militant të tjerë dhe mirtoi me ngritje duarsh ndryshimet në ‘Kushtetutën ‘ e partisë, ndryshime që gjykata ia certifikoi sot. 

Menjëherë pas regjistrimit të statutit në gjykatë, Sali Berisha nisi dialogun me kryetarin e komanduar të partisë, Enkelejd Alibeaj. Berisha tha se do të garojë për kryetar të Partisë Demokratike, por Alibeaj tha se një “non grata” s’mund të drejtojë PD-në. Megjithatë, Alibeaj tha se do ta njohë vendimin përfundimtar të gjykatës, cilido qoftë ai. Berisha'amniston' Bashën: Jo më Lulzim brava, por nga sot deputeti Basha