Politikë

Ish-anëtari i kryesisë së PD-së, Fatbardh Kadilli e ka konsideruar programin e qeverisë 'Rama 3' si 'programin e ripërtypjes' ku përsëriten të njëjtat premtime që nuk janë mbajtur gjatë mandateve të tjera.

Pak para nisjes së seancës maratonë të Kuvendit, Lëvizja Socialiste për Integrim ka dorëzuar propozimet e saj për të pasur përfaqësues në Komisionet  Parlamentare. LSI do dorëzuar emrat e 3 deputetëve të saj Petrit Vasili, Erisa Xhixho dhe Agron Çela,  që të jenë pjesë të Komisioneve Parlamentare.

Grupi ‘Për PD’ ka kundërshtuar vendimin e kryetarit të Partisë Demokratike për përjashtimin e Sali Berishës nga grupi parlamentar i PD-së. Sipas tyre vendimi është anti statutor dhe Lulzim Basha duhet të dorëhiqet dhe të ngrihet një Këshill drejtues i përkohshëm. Ato theksojnë se Partia Demokratike është marrë peng dhe se Basha pakt me Ramën për përfitime personale

Rreth dy orë e priti Lulzim Basha kryeministrin Edi Rama për ti thënë se ka ekzekutuar demokracinë në vend, ndërsa kreu i qeverisë i tha kryedemokratit se boll kumrie ka mbi kokë, duke ju referuar përplasjes që ka në parti më Sali Berishën. Më herët, Rama shpalosi programin me në fokus rritjen e pagave, të pensioneve, investimet në infrastrukturë, por dhe fuqizimin e rolit të gruas, në seancën që u ndoq dhe nga bashkëshortja e tij Linda. 

A po bashkëpunon Berisha me Bashën apo ai kërkon kokën e “djalit të tij shpirtëror”...kjo është një nga pyetjetet që nuk ka gjetur ende një përgjigje që nga përjashtimi i tij nga grupi i PD (ndoshta nuk do e gjejë kurrë) dhe ky është mendimi që i ndan edhe të ftuarit e sotëm në ‘Repolitix’.

Presidentja e Komisionit Europian, Ursula Von der Leyen do të vizitojë Shqipërinë më 28 shtator. Lajmi u bë me dije nga Ambasadori i BE, Luigi Soreca, pasi Presidentja e KE njoftoi nisjen e një turi në Ballkanin Perëndimor në fund të këtij muaji.

Damian Gjiknuri, si Sekretar i Përgjithshëm i PS-së ka nisur turin në të gjithë qarqet, ku do të bëhet një riorganizim i strukturave organizative të kësaj partie. Gjiknuri u ndal sot në Fier ku prezantoi Taulant Ballën si drejtues qarku, ndërsa tha se PS do nisë që tani punën për zgjedhjet e ardhshme lokale.

Mes të rinjve demokratë që kanë firmosur për referendumin është edhe Glauk Olldashi, djali i ish-ministrit demokrat Sokol Olldashi. 

Partia Demokratike u fut në Kuvend pas një mungese prej 2 vitesh e gjysmë, por megjithatë, sipas ish-deputetit Ralf Gjoni, vendi nuk ka opozitë. I ftuar në studion e "Sot Live në Shqipëri" në Report Tv, Gjoni tha se opozitë nuk do të thotë të shkosh në Kuvend e të grisësh letra, duke iu referuar veprimit të PD që bojkotuan votimin për Lindita Nikollën si kryetare  e Kuvendit, duke grisur fletët e votimit. Përplasjen Basha-Berisha, pasi ky i fundit u përjashtua nga grupi parlamentar i PD-së, Ralf Gjoni e ka quajtur fals.

Nga

Adriatik Doci

Lulzim Basha fshiu në statutin e PD-së fjalën ‘referendum’ gjatë ndryshimeve të miratuara pasi SHBA i kërkoi përjashtmin e Berishës. Kërkesa e Kryesisë së FRPD për rrëzimin e përjashtimit të Berishës me referendum nuk ka asnjë bazë në statutin e ri të partisë. 

Ndryshe nga seanca e kaluar, në atë të ditës së nesërme Basha ka vendosur të qëndrojë në Kuvend dhe të shfrytëzojnë kohën e përcaktuar për të debat. Ky vendim u morë sot gjatë mbledhjes së grupit parlamentar të PD. Burime bëjnë me dije po ashtu se Basha ka kërkuar që të votohet kundër programit të qeverisë Rama 3 dhe kabinetit. Në mbledhje kanë munguar Tritan shehu dhe Flamur Noka, të cilët kanë dalë hapur në mbështetje të Berishës dhe kundër Bashës, pas vendimit të këtij të fundit për përjashtimin nga grupi parlamentar të ish-liderit demokrat.

Nga

Danjela Maloku

Lidershipi i Partisë Demokratike nuk pranon ta konsiderojë përçarje atë që sot po ndodh në selinë blu pas vendimit të Lulzim Bashës për të përjashtuar Sali Berishën. Anëtari i Kryesisë Belind Këlliçi thotë se ajo me të cilën po përballet Partia Demokratike janë mendimet ndryshe për çështjen e ish liderit.

Kreu i Grupit parlamentar të Partisë Socialiste, Taulant Balla tha pas mbledhjes së Konferencës së Kryetarëve  se çdo deputet do të ketë 10 minuta kohë në dispozicion, ndërsa seanca maratonë do të ndahet në 3 pjesë. Në pjesën e parë do të prezantohet programi, më pas do të jetë debati dhe në fund votimi i cili do të jetë një si për ministrat e rinj dhe për programin qeverisës.