Politikë

Nga

Danjela Maloku

Demokratët do të kalojnë nesër në filter propozimet për ndryshimet në statutin e PD. 9 anëtarët e Komisionit të ngritur për këtë arsye do të vlerësojnë nëse propozimet e  Fatbardh Kadillit dhe disa anëtarëve të tjerë të PD do të duhet t’i kalojnë për miratim Kuvendit Kombëtar që mblidhet të shtunën e ardhshme.

Ralf Gjoni nuk e ka përjashtuar mundësinë për bashkëpunim me PS-në, pasi t'i përfundojë mandati i deputetit në shtator, megjithatë nuk ka zgjedhur që të thotë diçka konkrete, mjafton që të jetë për të mirën e vendit, ka theksuar ai. Në studion e Report Tv, në emisioin "Sot Live në Shqipëri", Gjoni i ka qëndruar deklaratës së tij të mëhershme, se ky parlament  është më i miri në këto 30 vite.  

Përjashtimin e kryebashkiakut të Lushnjes, Fatos Tushe nga PS, kryedemokrati Lulzim Basha e sheh si një taktikë të kryeministrit Edi Rama "për të larë duart". Në reagimin e tij, fill pas mbledhjes që Rama pati me kryebashkiakët, Basha tha se kreu i qeverisë e bëri Tushen "kokë turku", por shtoi se më i korruptuari është ai.

Pasi kryebashkiaku i Lushnjes Fatos Tushe u la në burg për shpërdorim detyre në lidhje me një tender abuziv me vlerë 24 mln lekë për rehabilitimin e kanalit ujitës, kryeministri Edi Rama e ka përjashtuar nga Partia Socialiste, 2 ditë pasi vendosi ta shkarkojë nga detyra.

Rokada në Policinë e Shtetit ndodhur ditët e fundit, ku ka pasur një sërë ndryshimet në nivel drejtuesish në strukturat vendore e qendrore të policisë kanë risjellë sërish në post drejtues Ardian Cipën. Ky rikthim i tij në poste drejtuese ka sjellë sulmet e ish kryeministrit Sali Berisha.

Nga

Adriatik Doci

Kuvendi aktual mbylli legjislaturën pa miratuar 30 nisma ligjore të rëndësishme që janë propozuar nga qeveria dhe deputetët. Projektligjet nuk janë tërhequr, por do të jenë pjesë e agjendës së punimeve të Kuvendit të ri. Nismat më të ‘nxehta’ janë amnistia për paratë dhe pasuritë e padeklaruara, fshirja e gjobave gjatë pandemisë, propozimi për përgjysmimin e pagës dhe privilegjeve të deputetëve, ligji për referendumet, ndryshime në Kodin Penal, Kodin e Familjes dhe krijimi i një regjistri me personat e dënuar për krime seksuale.

Kryebashkiaku socialist i Kolonjës Erion Isai ka deklaruar se rroga e parë që ka marrë në jetë ka qenë më e lartë se ajo që merr tani në postin që ka.

Partia Demokratike ka reaguar pas emërimit Armela Krasniqit në krye të Autoritetit të Medias Audiovizive.