Politikë

Kryetarja e LSI-së, Monika Kryemadhi gjatë paradites së sotme ka zhvilluar një takim me banorët e Kombinatit në Tiranë, ku mes të tjerash ka kujtuar edhe vitin 2001, në të cilin ajo është votuar deputet e Partisë Socialiste.

Kryeministri Edi Rama, i pranishëm në një takim me të rinj në Laprakë, Tiranë, tha se sfida e tij më e madhe është "bashkimi i forcave të jashtëzakonshme kundër atyre që janë bashkë për të na mbajtur të përçarë".

Drejtuesi politik i Partisë Socialiste, për Qarkun e Elbasanit Taulant Balla zhvilloi një takim me banorët e Qukës-Shkumbinit në Përrenjas.

Me makina, të grumbulluar, pas maska, pa distancë dhe me flamujt të PD në duar, me dhjetëra militantë janë mbledhur në hyrje të tunelit të Krrabës për të pritur Luzlim Bashën, i cili i hipur mbi makinë mbajti edhe një fjalë për to duke u premtuar ndryshimin pas 25 prillit, por për këtë kërkoi mbështetjen e të gjithë qytetarëve.

Kryeministri Edi Rama zhvilloi sot një takim me sipërmarrës të rinj në teknologji, në qendrën “Tumo” në Tiranë. Në fjalën e tij para të rinjve, Rama tha se prioritet i qeverisë është të krijojë mundësi për përfshirje të më shumë njerëzve në këtë aktivitet, ndërsa shtoi në planin e veprimit të 2021-2025, është një fond garancie prej 50 mln euro.

Kandidatët për deputetë të Partisë Socialiste për qarkun e Durrësit kanë zhvilluar një takim me profesionistët e rinj të qytetit. Takimi është zhvilluar pranë stadiumit “Niko Dovana” dhe në të kanë marrë pjesë qindra të rinj e të reja. Milva Ekonomi, si kryesuese e listës së PS në këto zgjedhje u shpreh se më kënaq entuziazmi që shoh tek ju, çka do të thotë se ju besoni atë që besojmë edhe ne.

Drejtuesi politik i PS për Qarkun e Vlorës Damian Gjiknuri tha se në mandatin e tretë  do të përmbyllen  proceset e nisura në  fushën e legalizimeve për banesat e banorëve të zonave informale. Gjatë një takim me banorët në Vlorë, Gjiknuri tha se ky qytet do të jetë qendra më e rëndësishme e investimeve.

Edhe pse ditë e diel, presidenti Ilir Meta nuk ka ndaluar akuzat ndaj qeverisë duke postuar një foto nga rruga e prishur e Borshit, që pësoi rrëshqitje nga shirat e dendur të janarit 2021. Meta shkruan se kjo rrugë është një nga kryeveprat e babëzisë dhe se më 25 prill do të marr fund korrupsioni dhe do të fillojë llogaridhënia.

Kryesuesja e vëzhguesve të ODIHR-it për zgjedhjet parlamentare  të 25 prillit, Urszula Gaçek do të takohet në selinë rozë me kryesocialistin Edi Rama. Në fokus të  bisedimeve pritet të jenë zgjedhjet e 25 prillit dhe mbarëvajtja e tyre.

Kryetari i Partisë Demokratike, Lulzim Basha ka premtuar se me ardhjen e PD-së në pushtet pas 25 prillit do të frenojë diskriminim që u bëhet grave me pagat duke premtuar se ato do të paguhen njësoj si burrat. Basha gjatë një takimi me gratë e Burrel tha se përmes programeve dhe trajtimeve do të rritet punësimi i grave duke sjellë edhe përmirësim të kushteve për to.

Kandidati i LSI-së në Korçë, Endrit Braimllari, ka akuzuar Partinë Socialiste se po tentojnë t'i marrin mbështetësit, duk ei dërguar këtyre të fundit mesazhe dhe duke i kërkuar të bashkohen me ta.

Kryetarja e LSI, Monika Kryemadhi ka shuar një kuriozitet të ndjekësve të saj në rrjetet sociale teksa i është përgjigjur pyetjes se pse bashkëshorti i saj, presidenti Ilir Meta nuk e ndjek në Instagram.

Ngritja e dronit me flamurin e PD-së, gjatë aktivitetit elektoral të kandidatit të PS-së, petrit Malaj në Tropojë, i ka kushtuar jo pak të 28-vjeçarit. Report Tv mëson se i riu me iniciale A. G., banues në Tropojë është proceduar penalisht.

Partisë Socialiste të Kuçovës në qarkun e Beratit i është bashkuar sot edhe ish kryetari i kësaj bashkie Selfo Kapllani, një ish- drejtues i propozuar nga LSI. Në takimin me themelues të PS-së Kuçovë,ku ishin të pranishëm kandidatët Blendi Klosi e Bardhyl Kollçaku,ish-përfaqësuesi i LSI-së tha ndër të tjera se Partia Socialiste është e vetmja forcë politike që e ka dëshmuar veten si forca më e emancipuar dhe më avangarde e politikës.

Pas kryedemokratit, Lulzim Basha, edhe kryetares së LSI-së, Monika Kryemadhi i është organizuar një pritje me makina, buqeta me lule, mes turmave të njerëzve pa ruajtur asnjë masë anti COVID-19.